صرخة احساس نسمعها= ونشرح للناس واقعها صاح الكاظم= ضد الظالم صرخة احساس نسمعها من سجن هارون الرشيد انتابع= صرخة ويرددها الإمام السابع هالصرخه تكشف كل خفايه الواقع= بمغزاها يتحرك ضمير السامع واليمتلك تفكير حر او واسع= يشوف الحقايق وين، عنها يدافع والكاظم راد بالهمه= يرسم امجاد للامه بموقف حاسم= ضد الظالم صرخة احساس نسمعها سابع اليمه وتاسع أهل العصمة= قاوم الطغيان بصمود وهمه وبجور هارون الرشيد وظلمه= عمر انگضه بذيچ السجون الظلمه غايته ايصون امجاد هاي الأمة= وايوفي للدين العهد والذمه بدافع إيمان ظل صابر= فجر بركان عالجاير ظل ايقاوم= ضد الظالم صرخة احساس نسمعها من اجل دينه وشرع أمة جده= ظل صامد ويحمل مرار الشده صان العهد حاشاه يخلف عهده= صاحب المبدأ ما يخون ابوعده بذاك السجن طال الأمد والمده= عگب الصبر بالسم تگطع چبده الكاظم مسجون كل عمره= سجل مضمون من صبره مبدأ راسم= ضد الظالم صرخة احساس نسمعها چبدة الكاظم بالسجن وذروها= وجنازته من السجن شالوها بهذا الوضع فوگ الجسر خلوها= وشيعته بدمعات الحزن شيعوها ابشع جرايم هالعده ارتكبوها= بكل زمن هاي الفاجعه ايعيدوها جور وأهوال نتحمل= ويه الأجيال تتنقل موقف دايم= ضد الظالم صرخة احساس نسمعها هالجور والغش والظلم والاحقاد= من الأجداد اتحولت للأولاد وبكل زمن هاي المصايب تنعاد= كل يوم تتكاثر علينه وتزداد لها لعصر ظل سجن الرشيد اببغداد= كل يوم تصدر قائمة استشهاد وين الآلاف خلوهم= وبيا أهداف سجنوهم منهج حازم= ضد الظالم صرخة احساس نسمعها سجلنه صفحات المصايب والنوب= نتوجه ونبدي العتب للمحجوب ونصيح يبن الحسن وعدك مطلوب= چم دوب نتأمل ظهورك چم دوب بينه المثل يالمهدي أصبح مضروب= نمشي ابقوافل تايها بغير دروب حربك لعداك من تبدي= تلگانه آوياك يالمهدي أنت القائم= ضد الظالم صرخة احساس نسمعها يا لمهدي گلبك ما جزع من صبرك؟= واتجمعت كل الهموم ابصدرك تنتظر ساعات الفرج كل عمرك= نسأل من الخالق يعجل أمرك شبان عدنه بالسجن تنتظرك= انقذها خل تفرح ابطلعه بدرك بحدود الموت تتنطّر= وتصيح بصوت لو يظهر ضنوة هاشم= ضد الظالم صرخة احساس نسمعها (لندن 1993 م)