كفلتوني= ونسيتوني اختلف أمري= يمن خدري ابحمايتكم الدمع غالي= ورخص تالي لمصيبتكم ابجمر عتبي= استعر گلبي أعله فرگتكم ولا حامي= يجي ايحامي عقيلتكم تركتوني= وفجعتوني يولياني اسعرت ناري= ويظل جاري دمع عيني اختلف وضعي= صبح دمعي يسليني اندهش حالي= ولا والي يحاميني مچنت أدري= هظم دهري يعاديني انخطف لوني= وضوه عيوني يولياني كثر وني= انگطع ظني وهمت بالبر جره المدمع= شفت مصرع علي الأكبر يسح دمه= انخضب جسمه بدمه المنحر صحت وينك= عگب عيني لفه العسكر يسلبوني= ويهظموني يولياني اعلگت شمعه= صفت دمعه ابجفن حالم اختفت شمسه= اشلون أنسه عرس جاسم انگطع نحره= وعلى الغبره بدر نايم بگيت انخه= اصرخت صرخه ابگلب هايم حرمتوني= وهظمتوني يولياني وگمر هاشم= عهد راسم وفه اويايه تكفّلني= وكفل ظعني ونصب ثايه ألف وسفه= انگطع چفه على الرايه تعنيته= النهر ريته نشف مايه تفجعوني= وتخلوني يولياني بدمع يسفح= شفت مذبح أبو اليمه اختفت روحه= بدمه جروحه انخضب جسمه الشهم شفته= وشفت جثته وصحت يمه الگلب لجلك= يخي مثلك نزف دمه اخبروني= اشتوصوني يولياني أحشمكم= على اخيمكم هجوم الخيل حرم احنه= ابهظم طحنه ولفانه الليل اسهرت ليلي= انهدم حيلي ولا ظل حيل خيم تلهب= أون وانحب واصيح الويل تسمعوني= وتعيفوني يولياني؟ (لندن 1991 م)