هاك سيفك والمهر= وافدي لحسين العمر ها يجسام للشهادة= يبني وآنه لليسر وافدي لحسين العمر بين ايدامه الحزينه وگف جاسم يستمع=نخوه وعهود ووصايه ويعكس الحال الدمع هذا سيفك هذا مهرك امضي قاتل وانصرع=خلي دمك يوفي عهدك وافدي لحسين العمر يبني موهيّن عليّه من اشوفك منذبح=لا چن الهون مصابك دم علي الأكبر يسح ناده عمك من دمانه نبني للدين الصرح=ضحي يا جاسم وتدري وافدي لحسين العمر من الحسن هاي الوصيه وبيها آنه امكلفه=گال جاسم مثل اخوته يأدي لحسين الوفه والوفه الننتظر يومه هذا يومه وموقفه=امودع ومثل أم الأكبر وافدي لحسين العمر ببني من سهر الليالي بالربه وهز المهد=الحسن واعدني بمصابي وحان هاليوم الوعد واللي سهرت واللي ربت المن تريد الولد=للشدد تذخر ولدها وافدي لحسين العمر گلبي غذاك بنميره ودمعه لوداعك جره=لچن فرض الدين يبني عالفراگ ايصبره ذود عن عمك يجاسم وبجهادك ناصره=تدري چم مرحب اگبالك وافدي لحسين العمر اتفتحت زهرة حياتك من ورد عذب ارتوت=للحسن آمال عهد التضحيه بيك انطوت يولدي وگبلك اخوتك عالثره اگبالك هوت=تدري بس دم الشهاده وافدي لحسين العمر وآنه من زينب عرفت الصبر وانته شاهده=يبني والمثلك يمثل بالحرايب والده اگبال عين حسين دور الحسن بألطف جدده=بالخلد ترعاك أمك وافدي لحسين العمر (الكاظمية المقدسة 1977م)