يا نور يا نور يا نور يا نور=يا بدر البدور يا نور قاصد للحريبه بقلب مسعور=يا نور يا نور حدّر شبيه المصطفى الحومة الميدان=و القلب لهفان و من خلفه ليلى تودّعه و الدّمع غدران=من عظم الاحزان بوداعة الله تصيح يا شمعة الشبّان=كنّك غصن بان عيني ترى بيك=و ترفرف عليك ردتك يريحان القلب ليّه حمى و سور=يا نور يا نور كر و انحدر للكون و ادعاهم شعايب=شبل الاطايب و الكوفه خلّى بيوتها تشحن مصايب=و احمى الحرايب ماجت و فرّت من صرخ بيها الكتايب=و اخلا المضارب و بيها ينادي=جدّي الهادي و هيهات يحكم بالهواشم ساس الفجور=يا نور يا نور ما ينوصف يوم الصرخ بيها و ذهلها=و هيّج وجلها و حوّم على الحومه بميمونه و فلها=و أخلى محلها و فرّت من الميدان تطلب ملتجا الها=و بالحال شلها بيها شعل نار=مهجة الكرّار بدّد سحايبها و سطع من جبهته النّور=يا نور يا نور وبن سعد فر من خيمته يكشف الصّيحه=و لنها فضيحه و شاف الاجساد فراش بالغبرا طريحه=غير الجريحه و الكل ينادي طلع حيدر من ضريحه=فكره صحيحه و ابن السّبط غار=مثّل الكرّار حاد الحيود ابصارمه و الشعر منشور=يا نور يا نور صوّت يَبن غانم يَجيدوم الكتيبه=طب الحريبه هاليوم يومك هالولد مأسور جيبه=لنّه نسيبه أفنى تراهو الجيش و الحاله عصيبه=أفعاله عجيبه و ليلى بخدرها=نشرت شعرها اتنادي يَربّي رد علي امن الكون منصور=يا نور يا نور و بكر بن غام ينتخي و طب المعاره=يجدح شراره تلقّاه الاكبر و انتخى و شعّت انواره=و تيّه افكاره مكّن ابخاصرته الرّمح و اخمدت ناره=مزمّل بعاره و حسين يرعاه=و يصيح حيّاه يا مرحبا بك يا شبل حيدر المشهور=يا نور يا نور قله يريحانة الهادي و نور عيناي=جيتك يمولاي منّك اريد الجايزه شربه من الماي=متفتّت حشاي تحسّر و قلّه يا عزيزي طلبتك هاي=عسره يحمّاي منين أجيبه=يَبن النّجيبه ساجي العطاشى علَى النّهر يالولد معفور=يا نور يا نور يالولد روح الخيمتك لَمّك تراها=ذايب حشاها كانت تحن و النّوب ما نسمع بكاها=شوف اشدهاها روّح الخيمه و لَنها ممتدّه لقاها=و محّد وياها بصبّة دموعه=فرّت بروعه اتقلّه يَعَقلي ارجعت متنومس و منصور=يا نور يا نور ساعه و لَنّ حسين يندب وين الانصار=ظلّيت محتار وين اليدافع عن حريم احمد المختار=و اكبر علي ثار و التمّت عليه الحريم زغار و كبار=لا تنشد اشصار من ودّعنّه=ضجّه وحنّه و حسين منهن خلّصه و القلب مسعور=يا نور يا نور لاح بجواده و شيّعه للمعركة حسين=بمدامع العين و تزلزلت من صرخته و ماجت الصّوبين=ذيك الميادين و السّيف يحصد بلرقاب اشمال و يمين=غير المطاعين بالرّمح و السّيف=يلعب على الكيف قامت ملازمها و تداعى الجيش مكسور=يا نور يا نور شتّت الجيش و غار و العبدي يباريه=قصده يفاجيه تقفّاه يدري الرّجس ما يقدر يلاجيه=بغفله سطى عليه و بالسّيف طر راسه و شبق عالمهر بيديه=ظنته ينجّيه ودّاه الحصان=حومة الميدان اسم الله على جسمك من فعايل قوم لشرور=يا نور يا نور جالت عليه اللي سقاها كاس الحتوف=بارماح و سيوف و لا تسأل بجسمه اشسوّت ذيك الصفوف=و الولد ملهوف من يقدر يوصّف مصايب يوم الطفوف=يا خلق ماشوف كثرت جروحه=و فرفرت روحه نادى أبوه و من جروحه ادمومه اتفور=يا نور يا نور بس ما سمع صوته انحدر للمعركة حسين=و انطوت صوبين قحّم بميمونه و تعمّد حس الونين=يم قرّة العين شافه موزّع ويح قلبي و شابح العين=يفحص بليدين صاح القلب ذاب=يَبني بهالتراب جسمك اموذّر بالتّرب و الرّاس مطرور=يا نور يا نور يا عظم حزنه من قعد يم مهجة حشاه=و يصيح ويلاه و دمّه انغسل بدموم عينه عن محياه=و عالتّرب سجّاه و نادى يَجدّي المصطفى شخصك فقدناه=من سبب فرقاه يا قرّة العين=بطّل هالونين قلبي تَراهُو من ونينك صاير اشطور=يا نور يا نور سمعت الحورا حسين ينحب بالمعاره=بنت الاماره و فرّت من الخيمه و قلبها بانذعاره=و تستعر ناره ينحب حبيب المصطفى و قل اصطباره=شنهي اخباره و لنّه ينادي=توزّع افّادي بعدك على الدّنيا العفا و العيش ممرور=يا نور يا نور أمّك يَبويه لو انشدت عنّك شقلها=و وجدك نحلها بعدك و بعدي بهالفيافي ياهو الها=و طايح حملها وحيّد و منّك منقطع يَبني نسلها=و بعاد اهلها تبقى وحدها=محّد يردها باكر تراهي اويا العدا تقطع هالبرور=يا نور يا نور و حسين شايل راس الاكبر عن الغبرا=يعصب الطّبره صرخت و شبكت فوق هامتها العشره=و العين عبرا بس ما سمعها انهد ركنه و عيل صبره=و عاينها حسره و الولد خلاّه=غرقان بدماه ينده نسيت امصيبتي ردّي للخدور=يا نور يا نور قالت يخويه ما جبت الاكبر نشوفه=و ننسل زلوفه الاكبر يهون عليك يالوالي تعوفه=بعَسكَر الكوفه دسمع يبو سكنه حنين امّه العطوفه=بدمعه ذروفه قوّض صبرها=واضح عذرها للخيم شيله لا يظل جسمه ابهالبرور=يا نور يا نور ردها و رجع للمعركه شوصف أحواله=و لا اندهش باله و ذاك العزيز اببّردته جمّع اوصاله=و للخيَم شاله بين الهواشم مدّده و فرّت عياله=و ضجّت اطفاله و فرّت سكينه=و امّه الحزينه طلعت تناديه و عليه خرّت بلا شعور=يا نور يا نور تقلّه ينور العين يا حلو السَجيّه=من بعد ليّه بكفالتك يالولد جيت الغاضريّه=و قطعت بيّه دقعد يَبَعد اهلي و خل الموت ليّه=سوده عليّه بالله افتح العين=يا مهجة حسين يَبني تمنّيتك تواريني بلقبور=يا نور يا نور (الناظم) منّك يَشبل حسين يترجّى عطيّه=خلعه سنيّه فوز و سعاده و يسر دنيا و اخرويّه=و جنّه هويّه و توفيق راقي و مدد لولادي وليّه=من كل نويّه مثلك بعد وين=يا مهجة حسين منّك اريد يصير بيتي دوم معمور=يا نور يا نور