لا تجذب وناتك لا تجذب ونّاتك=لا تجذب ونّاتك دهري دهاني=بيك و عماني و بالمهجه طبراتك=لا تجذب ونّاتك خلّيت قلبي من ونينك شطرين لكن يَلُب حشاي فدوه لحسين عرّيس و عمَامك يَبَعد اهلي وين و ثياب عرسك يالمدلّل تكفين يَبني و من دمومك خضاب الكفّين يَوليدي وكل طبره=اتكت الدّما ابطبره يا ضيعة حالي=اتوزّع دلاّلي و بالمهجه طبراتك=لا تجذب ونّاتك جسّام يَسرور القلب احكي وياي دقعد و حاسبني على تعبي و رباي وين الرّبى و السّهر يالبّ حشاي ردتك ذخر من بعد ابيّك ويّاي يَوليدي ياللي على الضّياعم سطّاي بالله دحاكيني=و َنتك عمَت عيني ما ترد جوابي=بالمهجه صوابي و جاوبهن عمّاتك=لا تجذب ونّاتك فتّح عيونه و قطعهن ونّاته و عليه دارن بالنّحب عمّاته و شافنها كلها ساطيه جراحاته و حسين واجف يجذب بحسراته يقلّه بدمع يهمي=يا شبيه ابن امّي انت العلامه=الحلو الجهامه و لحظاته لحظاتك=لا تجذب ونّاتك و رمله تنادي مرد قلبي مصابك يبني يَجَاسم وسط كبدي صوابك شنهو السّبب من بين كل اصحابك يالولَد تفصيل الاكفان ثيابك يا مهجتي و من الدموم خضابك يبني و الزفّافه=رمّاحه و سيّافه و نثارك الزّان=يا شبل عدنان ودّعهن عمّاتك=لا تجذب ونّاتك يبني ردت عرسك ينور عيوني ابدار الوطَن و الوادم يهنّوني يزفّونك الشبّان و يسرّوني باكر يجسّام العدا يسبوني من ديره الديره بيسر يهدوني عرسك بهالوادي=فتّت ترى افّادي و زينب الحورا=تصبح مأسوره زهو العرس فاتك=لا تجذب ونّاتك ويلاه يا حال العزيزه سكينه فرّت بدَهشه تصيح جاسم وينه أرد انشده بولية من يخلّينا عرس المبارك جسمه موزعينه من بعدهم شمر و زجر يولينا أرد اغسل جروحه=بدموعي المسفوحه أقشر عليّه=عرس و رزيّه صد لي بعويناتك=لا تجذب ونّاتك