الحسين ينعى ولده و يرثيه انقطع قلبي يبويه من شفت حالك=معلّق بالفرس متقطّعه اوصالك رحت يبني من ايدي و راحت رجالي=د اسمع بالمخيّم ضجّة عيالي و امّك يالولد تبقى بلا والي=و لاتقدر يَنور العين تعنى لك معلّق بالفرس و التمّت العدوان=بارماح و خناجر تطعن و بالزّان ما تنحصي جروحك يا شبل عدنان=ينور العين بُوق ابن الخنا غالك عسى انشلّت يمينه جاي من خلفك=شلون يصير جدّامك و هو يعرفك يشاب الما قضيت من العمر شفّك=بالاولاد يوليدي شبه ما لك أخلاق المصطفى جدّك فزت بيها=و شجاعة والدي الكرّار حاويها و عمر امّك الزّهرا الجاروا عليها=و سخى و علم و إبا كله تهيّا لك يوليدي تفتّ القلب ونّاتك=و جروح إلبقلبك كثر طبراتك و خوفي من الاطناب تهيج عمّاتك=وعنّك مقدر امشي و هذي احوالك على وليده نحب و الجبد مفطوره=و سمعتّه الوديعه و بدت مذعوره وعافه عْلَى التّرب من صرخة الحورا=و طلعت حاسره ما قدر يتمالك يناديها ارجعي يَعزيزة الزّهرا=عَلَيْ صعبه يَزينب طلعتج حسره دهشتيني و تركت ابني على الغبرا=تقلّه جيب لَكبر تنظره عيالك رد الثمر قلبه يجمع اوصاله=و لفّه ابّردته و دنّق له و شاله و جابه للخيم و تلقّته عياله=وليلى تصيح وسفه خلصت رجالك مدهوشه هوت بدموع مسفوحه=و زينب عمّته تتفقّد جروحه تقلّه حين شافت فارقت روحه=كل ارواحنا يا ليت تفدا لك خلّ الولد عندي بَنسل زلوفه=و جم طعنه اعاين وصّلت جوفه خلاّه و ندَه بدموع مذروفه=الله وياك ياللي مقطّعه اوصالك { الناظم } يشبل حسين يا مهجة قلب ليلى=ترى الخادم الخاطي ما سكن ليله نظمت و دمعي بخدّي جرى سيله=انتهت و الثّانيه يا شهم تهدى لك