العقيلة و أم البنين اهنا يَم البنين اهنا=أعزّيج و تعزّيني تراني جيت دوهانه=فقدت حسين واخوانه آه السّفر و احزانه بيْمَن بعد تتسلّين=لو بيْمَن تسلّيني قعدي اوياي افصّل لج=مصاب الصار يَمْ عبّاس سوّوا لج اولادج صِيت=عالي و حازوا النّوماس أريد اشرح مصايبهم=و لو هي بالضّمير امواس قعدي قبالي و نوحي=ذكرهم فزّر جروحي يروحي من الجسد روحي فت مصابهم قلبي=و راح الشّوف من عيني طلع عبّاس و اخوانه=و للميدان طرّشهم واحد من بعد واحد=على العدوان ما اوحشهم طبق خلصوا عمت عيني=و حر التّرب مفرشهم هذا يجذب الونّه=و ذاك بْدَمّه محنّا و هذا انذبح ما تهنّى ثلاثه وجّروا جانون=حدْر الضّلع جاويني يَمْ عبّاس لو شفتي=اشْفَعل عبّاس بالحومه سطى عْليها و طشّرها=و سيطر على الملزومه و ملَكها المشرعه قوّه=بْسيفه و شاعت علومه نزل بيها و ملا جوده=وهل دمعه على خدوده و عليها حوّل بْزوده لكن شرَب لو عطشا=ن بالله لا تسأليني تقلها اشلون أبو فاضل=يضوق الماي قبل حسين أبوه المرتضى وافي=و عزوته هاشم الطّيبين قالت طلَع يتلظّى بْظَم=اه و يهل ماي العين ما همّه عطش قلبه=وعلى الجيش البلا صبّه وفرّت غصب عن دربه يقول شلون أروّي حشا=ي و سكينه تتانيني تقلها الخبر ما يحتاج=شبلي و عارفتّه زين محّد يظن بالعبّاس=يشرب قبل اخوه حسين يَزينب و اكثر ظنوني=بْعَطشهم راحوا الاثنين عندي هالخبر معلوم=من حينه النّهر ملزوم و العيله بْظمَاها تحوم لكن عن فعل عبّاس=بالعدوان خبريني تقلها فلهن زلوفه=و مهجة فاطم يشوفه و فرّت غصب من خوفه=و راح فلولها الكوفه ساعه و امّنت كلها=أثاري طاحن اجفوفه يَمْ عبّاس أظن تدرين=سهم اللي نشب بالعين فتّت قلب أخوه حسين يَمْ عبّاس و العامود=هدّم عالي حصوني طاح و ظل اخوه حسين=حاير بين عدوانه وصل يمّه و عاينها=بغير اجفوف ذرعانه شوصف حال ابو السجّاد=يوم وحيدته جانا يمشي و يجذب الحسره=على عضيده انكسر ظهره فقد عبّاس شيجبره أقلّه وين اخيّك طاح=ما يقدر يحاجيني تقلها شْلون يا زينب=نشرتي مصيبة اولادي أبو فاضل ثمر قلبي=و اخوته مهجة افّادي علي هانت مصايبهم=بْذَبحة مهجة الهادي أولادي طبق و العزوه=لِبن خير الوَرى فدوه بيه الخلَف و السّلوه تعزّيني بْذبحتهم=يَزينب لو تهنّيني