زينب مع محمَّد بن الحنفية يَمحمّد مصابي مصاب=ما ينحمل تفصيله ركني مْن الاحزان انهد=مصايب شفت ما تنعد تهد اطواد يَمحمّد=أريدن جَلد أحجي له نزلنا بْكربلا و دارت=يَبو جاسم علينا القوم سبعين الف تترادف=يخويه و الورد ملزوم و عاشر بالمحرّم يوم=أبد ما صار مثله يوم لفتنا جيوش جرّاره=وعضيدك قلّت انصاره و علينا شنّوا الغاره ريت احضرت ذاك الي=وم جان البيرق تشيله يقول الها يَمَحزونه=احجي لي الصار بالتّفصيل قالت شمس ذاك اليوم=غابت من عجاج الخيل خلّوا انصارنا الوديان=بدموم الأعادي سيل كلها حيود سطّايه=رجال و تعرف الغايه إجت للدّين حمّايه ساعه و لَنْ اخوك حسين=فاقد كل رجاجيله طلعوا اولاد ابو طالب=زعاله و شنّوا الغاره و خلوا للحشَر مشهور=يوم الطّف شنياره و بني عمّه الظّهر خلصوا=يخويه و لحقوا انصاره يَوَسْفَه و زادت همومه=يعاين عزوته و قومه ضحايا و عالتّرب نومه و بقت بس اخوته و اولا=د اخوه الحسن و عليله طلع عبّاس يَمحمّد=و لو شفته اشْعمل بيها خلاّها تصيح الويل=و أردى كل مساميها مثل هاي و عليك تفوت=يا ليت احضرت بيها وشفت وكت الطراد شلون=مشيتهم من يحملون و عْلَى الموت يتناخون و شفت عبّاس شمسوّي=بْجيش ابن الدّعي و خيله من يصرخ بعالي الخيل=خلّى الخيل مجفوفه يتبَخْتر بالعلم و الجود=و البتّار حي شوفه يمحي اصفوفهم بالسّيف=لو ما طاحن اجفوفه و ظل بين العدا محتار=بلا يمنه و بليّا يسار و بْقلبه العطَش شب نار يَمحمّد و سهم العين=ذاك اللي بَهَض حيله و عمود الرّاس يالمحزون=قوّض عمد خيمتنا وعن ظهر المُهُر من طا=ح فلّت غصب جمعتنا ورد حسين إلي مفرود=و اشتدّت مصيبتنا يمشي ويجذب الحسرات=و دموعه تهل عبرات و يقلّي كفيلج مات وظل جسمه على الشّاطي=يَخويه و لا رضا اشيله