سقوط يتيمة الحسين من الناقه يتيمه و ضايعه بهالبر=يَعَمّه لا تخلّوني ريضوا يالحوادي النّوق=ويّا الحرم ركبوني فرّت ويل قلبي نوب=تمشي و نوب تتعثّر و نوب من الوَجَل تصرخ=و مستوحش عليها البر تصيح وْياكم اخذوني=تراني اعْلَى المشي مَقْدر أنا ويّاج مردوفه=يَسكنه وما تتانوني سمعت صوتها سكنه=و غدت تستعطف الحادي تقلّه ريّض النّاقه=يتيمه بقت بالوادي خل تركب تعادلني=عليها ذايب افّادي يبويه ضيّعتني بين=قوم الما يرحموني من صم الصّخَر قلبك=يَخايب ما ترد الها يذوّب كل قلب قاسي=بواجيها و توسّلها قال الرّجس خلّيها=ذياب البر تاكلها و منكم يستريح البال=بالصّايح تأذّوني قالت من على النّاقه=لذب نفسي ترى للقاع يتيمه و تنتخي بْلوعه=و مدهوشه و قلبها ارتاع يربّي و حافيه تمشي=بهالرّمضا و بليّا قناع أنا لو فارقت روحي=يهالوادم تلوموني رد ابن الخنا بْغيضه=على الطّفله و لقاها تحوم نوب تطيح بالغبرا=و تجر ونّه و نوب تقوم و نوب تصيح يا يابه=و لفاها بْسوطه الميشوم يلوّعها و هي تنخّي=يَهاشم ما تدركوني دقلّي بالوديعه اشْصار=من سمعت نواخيها هوَت من ظهر ناقتها=و تلوّت و احنت عليها وهي تبجي و لا واحد=كفو يسمع بواجيها بت من هاي و امها منين=بالله ما تنشدوني أمها بضعة الهادي=و ابوها حيدر الكرّار ذاك الدوّخ الدّنيا=و لولاه الفلَك ما دار جلال الله و مظهرهم=عليها و هيبة المختار خذَتها و أومت عْلَى الرّا=س يَبن امّي محنتوني صفيت مكلّفه بْعيله=يخويه و ذايب افّادي كلما ينقطع وادي=نطب عْلَى الاثر وادي و اللي مرمرت حالي=يَخويه ولية الحادي تراني من الضّرب يا نو=ر عيني مورّمه متوني