سماع العقيلة أنّة الحسين هالونّه تفت حشاي=جَنْها ونّة المظلوم أظنّه امصوّب و مخطور=ما يقدر ولينا يقوم جَنْها ونّة ابن امّي=و اظنّه انصاب يَسْكينه تقلها هاي ونّاته=يَعمّه ما تعرفينه آه عْلَى الحريم يصيح=بالونّه تسمعينه أظنّه بالحشاشه انصاب=يا عمّه بْسهم ميشوم طلعت والحرم فرّن وْيا=ها و قصدن الحومه لقنّه موسّد التّربان=خدّه و نزفت دمومه اشْحَال عزيزة الزّهرا=بهالساعة الميشومه وليها مأيّسه منّه=و حريم مطشّره و هالقوم طبق حفّن ابواليهن=لقنّه يعالج بروحه بْدَمع الحار غسلنهن=يويلي من الدّما جروحه و ما غسلت جرح قلبه=مدامعهن المسفوحه تصب صب السّحاب عْلي=ه لكنها تصير ادموم وحده تحسب جروحه=و عليها ضاعت الحسبات و زينب حبّته بْنَحره=و تصيح وتجذب الحسرات ما تتميّز الطّعنات=يَبن امّي من الطّبرات عسى عيني العما خويه=وعساني ما عشت لليوم عمَت عيني و لا شوفك=موسّد بالتَرب خدّك ما هي وسادتك يحسين=صدر المصطفى جدّك يَصيوان الحراير شوف=ظلّن بالعرا بعدك مَهَر امّك يخويه الماي=و انت من الورد محروم يخويه و حال هالعيله=يذوّب كل قلب قاسي العدو يحسين ما يرحم=عدوّه و ليلنا ماسي أريد أخضب يَبَعد اهلي=بدم نحرك شعر راسي و دم القلب من عيني=على دم القلب مسجوم دمّي يالولي و دمّك=ميازيب و تروّي القاع هذا من الجفن يجري=و ذاك من القلب نبّاع مَتْشوف اليتامى تلوج=كاتلها العطَش و جياع سكنه و الرّباب تطيح=و حدتهن و نوب تقوم