القاسم يطلب الرخصة من خيمة عضيد حسين=جاسم طلع و اخوانه ثار بغيرته جسّام=يمشي للأجل جدّام ياضي مثل بدر التّام=نور الحسن نيشانه طلع و الوالده ويّاه=و هي تودّعه و تنخاه تقلّه هناه يَبْني هناه=عمّك حايطتّه عداه و عَمْتك يا ضوا عيوني=تصيح امن الوجد ويلاه و عمّك بالمسنّايه=و هاي الخيل عدّايه يجاسم وصلت الثّايه =وزينب بقت دوهانه تلقّاه الشّهيد حسين=من شافه و فتح باعه على رقبته الولد ويلاه=من حن و لوى ذراعه انغشى عليهم عمَت عيني=و ظلوا على الأرض ساعه عقب ما حبّه و شمّه=اُوخر اوليد اخوه يمّه انتبه جاسم ولَن عمّه=عليه مقرّحه اجفانه وقف جدّام ابو السجّاد=جاسم يطلب الرّخصه يقلّه الدّهر جرّعني=الكدر غصّه بَثَر غصّه يقلّه الحسن يا جاسم=تمثّل شوفتك شخصه كلها مصرّعه الاولاد=كلمن ودّع و لا عاد يبني ابقى مع السجّاد=بلكي تخفّف احزانه رد الخيمته محزون=قلبه و دمعته ايهلها ذكر من والده عوذه=بزنده و بالعجل فلها لقى بيها الامر حتمي=وإجا العمّه و تناولها وتحسّر و الدّمع سفّاح =وصفق ويلاه راح براح لزم بيد ابن اخيّه وراح=يم رمله الحزنانه يقلها جان للجاسم=جديد ثياب حضريها قالت غير موجوده=و نصى زينب يحاجيها خيمة عرس للجاسم=يَثَكلى ابْعَجل عزليها و تعالي الجاسم انزفّه=يَمَحزونه قبل حتفه يَوَسْفَه ما قضى شفّه=ابن اخيّي وحان ميحانه تقلّه ما قلت يَحسين=و الشبّان موجوده شلون العرس و اخوانك=على التّربان ممدوده و عميد الجيش يبن امّي=رميّه مقطّعه زنوده وين انصارك الظّفرين=و اشبال الهواشم وين بس ظلّت حرم يحسين=تنعى و محّد ويانا يقلها الحرم يا زينب=تكفي الزفّة الجاسم تزفّه باللطم و النّوح=خويه و تقضي اللازم بس لا ينزعج عبّاس=خلّه عْلَى النّهر نايم خلّي الحرم تتلَمْلَم=تزفّه بين لمخيّم و انا اوياج نتوزّم=يَبت حيدر اببّلوانا نده قومن يَعمّاته=نزف الجاسم بهمّه قصده يجاهد و عنده=عزم يلحق بني عمّه ما لازم تخضبنّه=خضاب الولَد من دمّه زفافه بحومة الميدان=ما بين النّبل و الزّان خويه و ثاير التّربان=طيبه و ثوبه اجفانه