خروج النساء الى المصرع على أثر الصهيل وصّل جواد حسين والحاله شجيّه=و فرّت من الخيمه البنات الهاشميّه فرّن وزينب بالمصايب تسحب الذّيل=وتصيح يحصان الولي يافارس الخيل من قلب أخيي هالدّما المِن عرفك تسيل=وين انهدم يا مُهُر سور الفاطميّه للمعركه قصدت و ويّاها النّساوين=حسره ودلاّهن جواد حسين بحسين شافن شمر يفري النّحر واهْوَن الصّوبين=و انياحهن زلزل نواحي الغاضريّه ضجّن فرد ضجّه يَنور العين يحسين=دقعد احميها وصّلت ليك النّساوين محّد بقى يحمي يَبو سكنه الصّواوين=وزينب تصب الدّمع والونّه خفيّه تنْخَى وتقلّه راقب الباري ورسوله=هذا حبيب المصطفى و أمّه البتوله عنّه ابتعد خل الحريم اتلوذ حوله=ولا تحز نحره تزلزل السّبع العليّه حامي حمانا حسين لا تضيّع يتاماه=جسمه موزّع والعطش هالفتّت احشاه وسكنه العزيزه تنتحب و تصيح ويلاه=يا ضيعة ايتامك يبويه ابهالعشيّه اسودّ الفضا وابن الخنا يهبّر الاوداج=واهتزت افلاك العليّه و العرش ماج صاحن يوسفه راح مقصد كل محتاج=حز الكريم و كبّر العسكر سويّه فرّن و مالت للمخيّم ذيج لجنود=ساعة القشره اعلى الحرم ساعة الفرهود داسوا يتامىوبعض منهم راحوا اشرود=مايقدر الواصف يوصّف فعل اميّه يا ويح قلبي جم يتيم الرّاح هايم=مرتاع قلبه ما يضوق الزّاد صايم يشرب ابذاك القيض لفحات السّمايم=و امّه تدوّر يا عظمها من مسيّه