وداعه زينب و النساء خلصت انصاره وظل ابوالسجّاد محتار=جيشٍ ثجيل و منع ماي و قلّة انصار ينادي بقيت وحيد يَنْصار الحميّه=و امن الضياغم ظلّت اخيامي خليّه ومن كل جانب حايْطَتْني جنود اميّه=والعطش مض الجبد والجو اشتعل نار يا صفوة العالم قضيتوا حق لوداد=للمصطفى الهادي ونمتوا فوق الوهاد اهتزّت يخبّرنا ابو الباقر السجّاد=رادت تثور وكل فرد يشْهَر البتّار قلهم ابنومتكم تهنّوا يا مطاعين=وبلغوا سلامي المصطفى وخير الوصيّين قولوا بقى مفرود مابين العدا حسين =حزتوا الشّرف والفوز ياسادة الأحرار للخيم رد يودّع وداع المنيّه=عند العليل و عمّته يَمّه شجيّه قلها يمهجة فاطمه سمعي الوصيّه=أمّج الزّهرا او والدج حيدر الكرّار أمّج الزّهرا و هالمصيبه تحمّليها=وبْصَبر حيدر يالوديعه قابليها وتجلّدي عْلَى الهضم والعيله احفظيها=لِزْغار حفْظيهم وسَلّي قلوب الكبار قالت يحصْن اللّي يصد عنّه الجماهير=يا سدّةٍ عالي النّزل لو طارت يطير ياجفن عيني العين بعد الجفن شتْصير=يحسين من سابج انا بقلبي هالاخبار من قبل مانطلع يخويه امن ارض طيبه=قلبي يحس يا نور عيني ابهالمصيبه معلوم عندي تنقتل و ابقى غريبه=ويلاه يَسَاعة مشيتي و انت بلوعار