إعتراض الحر قافلة الحسين وصّل الحر لحسين يتزعّم سريّه=وسلّم عليه وعظّمه وصلّوا سويّه صلّوا سوا وعقب الفريضه تبادلوا الرّاي=قلّه انا مرسول الي وعلى الوعد جاي وانت معارضني تريد الحرب ويّاي=قلّه حشا ما حاربك يبن الزجيّه مابينهم دار الحجي وساقوا الظّعينه=و اختل نظام الظّعن وتعلّى حنينه وبدر الهواشم شاهر السّيف بيمينه=و زينب تقلّه ريّضوا بينا شويّه ريضوا يبو فاضل ظعينتنا عن السّوق=غيرك يباري هالظّعن ياخوي مَيْلوق خوفي تثور المعركه واحنا على النّوق=قلها يبنت المرتضى امرك عليّه أمر الظّعن بيدي يزينب لاتخافين=بشري بعزّج والخدر مادام حيّين وسالم أنا يمخدره وسالم لك حسين=وجان الحريبه تصير برض الغاضريّه هناك النزول يصير وتصير المعاره=و هناك يومٍ للحشر تبقى اخباره قالت سلامه هناك لو نمشي يساره=عبّاس والله سفرةٍ قشره عليّه سكّن قلبها من نخوته و واصلوا السّير=للطّف قصدوا والمنايا وْياهم تسير والحر يمانع والقضيّه تريد تفكير=و تالي الامر فاز بسعاده سَرمَديّه ومن شاف جيش اهل الغدر دار اعتقاده=و دار وخَذَا وليده وزارتّه السّعاده ويَمَّمْ حبيب المصطفى قصده الشّهاده=وإيده على الهامه و دمعاته جريّه وهو على سرج مطهّمه سلّم علىحسين=وقلّه أنا ومهجة افّادي ليك عانين يابن الطّهر ينغسل جرمي بدم الاثنين=عندي مثل كاس العسل ورد المنيّه