زينب و دار أبيها الخالية   زينب تصب الدّمع من عظم الرزيّه=امْن اتشوف دار المرتضى منّه خليّه  توقف ابّباب الدّار و اتهل عينها ادموع=اتنادي يبويه الهالمنازل مالك ارجوع  من حنّة ايتامك عليك القلب مفجوع=ما يمكن  الثّكلى  تعزّيها  شجيّه  و اللي يفت قلبي و يخلي حزني ايزيد =يابه  عقب  أيّام  لو قالوا  لفى  العيد لازم  العاده  تلبس  الأطفال  لجديد=و اولادك ابيوم الفرح تنصب عزيّه يابوي ضاعت من عقب عينك هلولاد=ومن بعد موتك ياعلي مانعرف اعياد  جيف الفرح و احنا  بقينا مالنا اسناد =راح  المحامي  و الذي  عشنا  ابفيّه خطبة العيد اضحت تنادي واخطيبي=و المنبر  ينادي  انقطع  منّه  نصيبي   وانا أحن ولا أبطّل من نحيبي=و اولادج  اتنوح و مدامعهم  جريّه   ونادت على السّبطين حلوين المعاني=نوحوا  على  حامي  حماكم  ياخواني من بعد حيدر وينّا و وين الّتهاني=و الله  شماته  و حصّلوها  بني  اميّه   فرحت  بني سفيان و الطّاغي  ابشامه=لمّن  لفى  ليه  الخبر  نشّر  اعلامه    قر واستقر واستحمد الله عْلَى السّلامه=يقول استرحنا من علي وضاق المنيّه