أشم خدّك / واهز مهدك
والآقي جروح تهز قلبي
أناظر ليك / وأموت اعليك
انا تمنيت تظل قربي

ي عبدالله / سولف لي بالنظارات
ي نهر الله / وعَز الدهر قطرات

والله يبني امن المدينة بطلعتي
وآنا عندي احساس و ادري برجعتي
لكن بجرحي وعذابي ودمعتي
ما عرفت اشرح كلام ادموعي

المن احچي بكل صراحه وألتجي
يمّه يا عبدالله ما ردتك تجي
ردت أقول الهم واناشد وارتجي
بس محد فاهم أبد موضوعي

آنا أُمْ لِمحاتى ياكِل روحي
دمعة من عينك تخط اجروحي
ما ردتهم كربلا يجيبونك
رِدْت اروح اوي الضعينة بروحي

آنا من ودّعتك / ساعة بيك اتأمّل
شلتك او رجّعتك / ما قدرت اتحمّل
مرّه أمسك ايدك / مرّه أبعد ايدي
لكن الله يريدك / للعطش يوليدي

ورده يا عبدالله ورده ولونك احسين
واليحِب الورده ما يقطفها للبين
يبقي يسقيها بحنينه ودمعة العين

———

بعد فرقاك / في وين القاك
خسرتك يا بعد عمري
اورّي اشموع / واهل ادموع
وافوّض لله كل أمري

أنا ال كل يوم متعوده أصحى اوياك
بعد يا نوم اتعوده ابليّاك

چنت اظنّك تكبر و ننسى الألم
ويجي يوم نسولف بذكرى الخيم
والله وش دراني خبّو لك سهم
وامزج ادموعي بنزيف ادمومك

حتّى ما خلو لي ذكرى اوي الولد
يبني بالخيمة احترق حتّى المهد
شالأهزّه بدمعي واحتضنه بعد
وبرماد الخيم شفت اهدومك

ما وحشتك يا ثمر دلّالي
وانته واحس عيني يبني الغالي
امّك المشاقة ودها اتبوسك
شلون اوصّل لك ورمحك عالي

يالولد ما حنّيت / لو بعد م ايهمّك
ليش اشوفك ما جيت / تسكن بحضن امّك
ما أظنّك تحتار / لو سألتك يبني
انته ياهو التختار / الرمح لو حضني

حتّى لو بعدك رضيع اصغر من اللوم
لكن اعذرني المشاعر فاضت اليوم
والولد من يرحل الأُم تهجر النوم