كل دمعه بالعين=من تنزل حسين وزينب الليله من يواسيها=من يحاميها *** زينب الليله ويه الموادع تحتار=المن توادع يا بطل يا مغوار والليل خيم عالمخيم اخطار=وشلون باجر وي حرم حامي الجار يا هم يشيله=كلب العقيله والكمرباجر من يخليها=من يحاميها *** كل دمعه نزلت بالمخيم مصحف=واللحظه جانت تنحسب كل الطف باجر شباب عله المنايا تنزف=ليلة وداع الليله ما تتوصف وبليل املها=زينب واهلها وليل الموادع خيم عليها=من يحاميها *** الليله الكتاب يودع باياته=وكل نضره منحر تنرسم نظراته وليل الموادع يا جفون تباته=ويصب دمعها عله الحسين وذاته والليله بالهم=والصبح بالدم شلون العقيله تعوف اهاليها=من يحاميها *** بالوصف يصعب هالوداع نصوره=ولا سهله باجر هالحرم متيسره باجر الدنيه عله الحراير حمره=لا ابو و العدها ولا اخواللي يبره والضعن باجر=بس الحراير وجيش ال اميه هوه حاديها=من يحاميها *** عين اعله اخوها وعين عالكافلها=وسكته الموادع بس دموع تهلها المن توادع وال هاشم كلها=بين المنايا ومن يشد محملها وباجر اهلها=عالثره كلها ولديار اهلها من يرد بيها =من يحاميها *** من رد بيها والوطن عنها ابعيد=ونار الموادع بالكلب نار تزيد وهاي الجيوش من الهواشم شتريد=وشعدها غايه ونفذت امر يزيد باجر اخوتها=ترف رايتها وبهالمصايب من يعزيها=من يحاميها