الليلة زينب ما يمر يمها المنام=تنطي بكتاب الصبر أعظم دروس هذي آخر ركعة تقضيها بقيام=ومن بعد باچر تصلّيها بجلوس ! الليلة بت حيدر تِطوّل في القنوت=يحچي بس مدمعها والعالم سُكوت ودون الأخوان الإخت ب الهمّ تموت=وتنقلب بعيونها الدنيا ظلام زينب بهالليلة تحچي اويه السِما=وتعتب اعلى الماي بلسان الظمى تصيح ضيّعني الدهر يا فاطمة=وبعد ذبح حسين ما ينفع ملام بالإمس چنتون عندي في الخدُر=ومو جميع هناك صلينا الفجر؟! شلون عفتوني يخوتي بهالظهر=صرت أكلمّكم ولا أسمع كلام ! چانت احبابي بخيمها مجمّعة=واليوم كل واحد ذبحني بمصرعه وواحد اعلى الشطّ چفوفه مقطّعة=وواحد ابلا راس ذبحوه اللائام