نهمي لمصابه بدال الدمعة عين=احنه ويّه احسين نصرخ للأبد نحزن وطول الشهر نلبس سواد=بس عشان انوفّي للزهره العهد نملي كل شارع خطوط ولافتات=والمضايف عدنا لا حد وعدد ما سألنا بيوم ليش حسين ثار ؟!=مو لجل يحمي ويصون المُعتقَد ؟! مو لجل يحرس مفاهيم الصلاة=ولينا يحفظ قُل هوَ اللهُ أحد؟! نحزن بكل عام ونلطم عالصدور=لكن بهذا الحزن نسأل بعد جم سهم صوّبنه بيه احنه الحُسين ؟!=وجم شمر فينا على صدره صعد ؟!