بحر جرفه بلا نوارس =يم ضريحه عيون حارس لا لجون ولا لعابس = ليش حزنه بلا مجالس حسن نور القدس عنده= خصته الايه الكريمه ذكرته التوراة كلها= ما بعث ربه الكليمه اسمه شبر على السفينه= كوثر الجنه الرحيمه شجرة النور الالهي =طور سيناء العظيمه قبس نوره من الجلاله= من محمد كل خصاله علي الشاهد عل كماله= فارس ومن ظهر فارس مائدة النزلت المريم= الك تنزل لو دعيته من تدك بيبانه تعرف= باب ربه باب بيته من تعثر باسمه ادم =هانت وسهلت قضيته سر تكلم عيسى ناسه= على الصليب اجل منيته الكون كله لامره تابع = لو رفعهن يدعي شافع يحيي موته بعشر اصابع= هذا واقع مو هواجس من سجوده الحسن شرف =تربة الكعبة الشريفة والعمامه الفوك راسه =ابهى من تاج الخليفه نفس عنده بكل كرامه= سامح النفس الضعيفه ما ينام وغيره جايع =لو عرف روحه برغيفه ليله يسهر ما ينامه = يدك بوب على اليتامه هذا جوده من الامامه= يا كريم بلا منافس من دخل على الغار جده= يطلب الدنيا سلامه للفدائي الحسن روحه= چانت بجسم الحمامه وي محمد چان حاضر =للوحي يسمع كلامه ليل فقده الحسن اسود= ليل من ليل القيامه موته يعرف عندي رايه= لكن احكام الهدايه لا قصاص بلا جنايه= جان يعلم بالدسائس من تشوف دموع زينب= عالحسن والمر عليها تلطم ايدك فوگ خدك= مثل ما لطمت بيديها حتى كسرة كلب اخوها= ينازع ويبجي البچيها من سمعها بموت تدعي= تريد كبل الطف يجيها خوية نادت شو عفتني= يالي بالطف كلفتني للمصايب سلمتني= وابجي ما بين الدوارس الحسن صاح حسين عنده = شمه و قبله اعلى نحره هنا تدوس الخيل صدرك =بجه وحط ايده على صدره هنا سهم ينصاب كلبك= طفلك هنا ينطي عمره مثل يومك ماكو يومن = يوم اسود على العتره من اموت تحير بيه= عالثرى تصلي عليه لاچن جسمك عالوطيه= يبقى عاري بلا ملابس ها يدنيا الله واكبر= تنطعن ليش بظهرها اهل بيته وكان واجب= لو مشت ينباس اثرها ليش روحه الحسن بالسم= جهزت للرب سفرها ليش فاطم كبل ابنها= الموت على الحايط عصرها ليش للطف بالمنايه = آيه بالدم حظنت آيه ليش زينب بالسبايه= تنذبح روح الاشاوس