يا نفسُ مِنْ بعدِ الحسينِ هوني = فبعدَهُ لا كُنتِ أو تكوني للمشرعه من وصل راعي الرايه= كَاصد يجيب الماي لجل الخدّر للرايه ركّزهه اعلى المسنايه = وعالنهر أحنه الظلع ضنوة حيدر للنهر مد أيده وغرف من مايه= بيه كَصده يطفي نار كَلبه التسعر نارٌ سرَت في قلبِهِ الحزينِ = فبعدَهُ لا كُنتِ أو تكوني ومن كَرّب الماي العذب لشفافه =اتكوّنت صوره وغدت تعرض حاله بالماي شاهد منظر ومن شافه= يعرضله حالة عيلته وأطفاله ركّز على المنظر وللمي عافه= لمن نظر حال الحرم وعياله حواسرٌ والدمعُ بالعيونِ = فبعدَهُ لا كُنت ِ أو تكوني وضلّت الصوره لبن حمّاي الجار= تعكس مواقف للحرم والعيله متجمّعه اباب الخيم بالأنظار =تربي عليه وبالدمع تشجيله حرّ وعطش بيَّن عليهه الآثار= متلهّفه وبكَلوبهه توميله ضواميءٌ تضجُّ بالأنين ِ = فبعدَهُ لا كُنتِ أو تكوني وشاهد بعد هالحاله حالة زينب= تربي عليه ولرجعته تتنطّر وجنهه تكَلّه والمدامع تنصب= كَلبي يخويه امن العطش يتفطّر هاي الحرم ترجاك لا تتغيّب= تريدك تعود وعنهه لا تتأخّر نيرانُ قلبي ألهَبَتْ جفوني = فبعدَهُ لا كُنتِ أو تكوني دمعاته سالت على الماي البيده= غيّرت هالمنظر لمنظر ثاني شاهد بهالمنظر حسين اعضيده= لزينب يكَللهه يزينب تاني جمر العطش بُعد العضيد يزيده= لاجن اطفّيه ابعزم ايماني وَصاح َ أينَ أنتَ يا مُعيني = فبعدَهُ لا كُنتِ أو تكوني امن ايده رمه الماي وهمل دمع العين= وصاح وشهر سيفه وحمل بيده الجود يا نفس هوني هوني من بعد حسين= وانتهض عازم نيته لخيامه ايعود راح الكَمر لاجن غدر بيه البين= وطاح اعلى نهر العلكَمي بروحه ايجود مقطَّعَ اليسارِ واليمينِ = فبعده لا كنت أو تكوني