لأن ما ينتهي وإيفيض فكرك = هِدْمَوا ياحِجِرهاليوم گبرك لأن ما ينتهي فكرك يظل دوم = لأنّك من علي الكرّارموسوم لأن ما ذل إباءك إلهُم إبيوم = رادوا بالهدم يِطْفون بدرك رادوا بالهدم ياصاحب الجاه = تضيع إو ما يظل للجود معناه لكن مادروا هذا الفعل تاه = إنتَ ياحِجِر مشكور صبرك إنتَ ياحٍِجِر ما دَنّگت راس = ولاءك ياأبي تشهد إلَه الناس وإبزودك عشت واجهت الأرجاس = ويّه الحق بگيت إنطيت نحرك ويّه الحق بگيت إتدور يازود = وإنتَ من علي الكرار موعود يكرهونك يبو الهدّات والجود = أبد ما يوصل الأشرار بحرك تظل يامنبع الزينات والخير = تعيش إبكل گلب وإبحبّك إيطير بعيد إو ما يِهِمّه الصار وإيصير = لأن إنتَ إبعلي علّيت قدرك لأن إنتَ إبحبيبك دوم مفتون = صرت مرهم يداوي شوف العيون واليِهْوَه علي للدوم محزون = طريق الحق وحش وإيعرفه صدرك طريق الحق وحش ياريت نمشيه = حِجِر هذا الوفي مضمون تاليه يريت إوياه والخلاق نرضيه = ننادي ياحِجِرمعمور قصرك