مجروح گلب الحُرّه= يحسين يلهب جمره هاي أم البنين المابُطل وَنْها = بقيع الخير حتماً يخبرَك عَنْها بقيع الخير گام إينوح ويّاها =يسمعها إو يبث للكون شكواها مصيبتها أبد هيهات نِنْساها = ضياغم أربعه ما خَيّبوا ظَنْها ضياغم أربعه كُلهم مشوا للموت = صنعوه المجد شامخ أبد مَيْموت والعباس بالكلفات عالي الصوت = رضُع طيب الوُفه طاهر نِبَع منْها رضُع طيب الوُفه العباس من دُرها = أمّه الطاهره وإبنصُرته سَرْها إذا يغضب عساكر يندحر شَرْها = كفل زينب يداريها إو يعاينْها كفل زينب مثل ما وصّتَه أمّه = رضا المعبود دايم غايته إو همّه سَرْها الطاهره يوم الجَرَه دمّه = رسم عهد الأخوّه إو شِرْعتَه سَنْها رسم عهد الأخوّه إو حقّق المطلوب = رضتْ أمّه الوفيّه وإبگلب مصيوب ترسم بالبقيع إگبور بيها إتذوب = تظل تحلم سواد الليل لو جَنْها تظل تحلم سواد الليل من يِجْبِل = أمل عدها تمُر إطيوف بيها إتْحِل تشوف الأربعه وإحسين إلها إيْهِل = وإطيوف الأحبّه إتروح تِحْزنْها وإطيوف الأحبّه اليوم ويّاها = تشيّعها الگبرها إو گاع مثواها والزهره الزچيه اليوم تلگاها = حوريّات للجنّه يزِفْنّها حوريّات تتلگه الوفيّه اليوم = إنخاها يشيعي إو لاتظل مهموم صارت باب للحاجه إو صرح معلوم = هاي أم البنين الصافي مَعْدنْها هاي أم البنين إبشوگ إگصدها = تگضيها الحوايج الله واعدها إجري إدموع يامهموم ساعدها = والأمّه البَغَتْ مرّات إلعنْها والأمّه البَغَتْ هيهات تِبْنيها = قبور أهل البقيع إسمع بواچيھا يغايب تنتظر نورك يِضَوّيها = وإيد الناصبي توصل إلَك فَنْها