طفح طوفان مركب نوح= يبحر ابشط دمع واجروح وسفن حزني رست اليوم= بشاطي العلكمي المذبوح جرت عيني دمعتي ارماح= جداول تحفر الخدين حوافر خيل حسراتي= تسحك بالصدر كل حين ما ميّز نهار ابليل =سارح بالقهر والبين ونين الفاجده وني =أون واذكر عزيز الروح عله افراكه الصبر مهدوم =واصبي النظر مفكود أنشد والنشد مريود =هم يرجع حبيبي اردود لن حزني يصارحني= اشلون ايرد بعد وايعود هيهات الكلب هيهات= أذا حدر الترب مطروح موعود آنه من زغري= بالهم والحزن مقسوم من المهد شاب الراس= يا طفل و لذاته اهموم ليال السهر تعرفني =حاربت الرغد والنوم نجوم الليل تشهد لي= أكضي الليل دمع ونوح عالعباس همي أيفور= بجرف النهر جسمه انصاب أخذ سهم الردى عينه= و بالعامود راسه انعاب وكع وابجنبه جفينه =و خلّه كل جفن سجاب جفيل الظعن لمصابه= الف جرح الكلب مجروح طبع الغدر من يغدر= خنجر بالظهر مطعون خسف كمرة ليالينه =و فتح ناعور دم مهتون قسم عالم مآسينه =بين المهموم و المحزون ابكل روح انزرع فكده =و تظل سرمد حزينه الروح ختم كلبي فرض غمّه= صلاة النوح و الحسرات و أحس نبلات صابني= ابكل رميه دليلي مات لأن فاكد كمر دنياي= بعد بالظلمه روحي اتبات طفح موج الدمع بالعين= مثل طوفان نوح ايفوح