يبن حمّاي الحميّه=إنته سبْع الغاضريّه زينب المحتاره نادت= يالگمر يابالفضل اشلون تسمع هالعطاشه= و گلبك الها يحتمل هاذي صرخات الضعينه= ترتفع من كل طفل و جمرة احشاها صليّه=إنته سبْع الغاضريّه ريتك اتروح الشريعه= بعد گلي اشتنتظُر و كل طفل يصرخ يعمِّي= بعد ما تم لي صبُر روح جيب الماي إلنه =كل گلب هالمنفطُر ينتظر منّك الجيّه =إنته سبْع الغاضريّه خويه محتاره شسوِّي= حتى طفْل البلمهد غارت اعيونه و اشفافه= و چبده بظماه انمرَد حاله ما تسهَل علينه =و صايح العيله صعَد و اشيصح آنه بديَّه=إنته سبْع الغاضريّه انأشّر اعليك و نريدك= فكرك اعلينه اشنوَه ساعة الميعاد دگت= يالجبتنه النينوه إنته ساگينه يوالي =و انته شيّال اللوه و اشصفت منّك النيّه=إنته سبْع الغاضريّه گلها يختي اتحشِّميني= و العهد ما أنكره آنه عد عيناچ يختي =ليش إنتي امحيّره آنه جود الماي آنه =آنه وحدي اتدبّره ردّت الحُره ابتحيّه =إنته سبْع الغاضريّه