اسمعِت يمّه تريديني=بعيد الشّر أوَدْعِچ أجي عِذريني=صعُب أحضَر طفولي العين=و بلا چفّين صعُب أحضَر اسمَعِت صوتچ إجه وحگچ تطلبيني=رغم بُعد المسافه البينچ و بيني ردِت أنهضلِچ و منعتني چفّيني=و ﻻ عيني التوچِّدلي و تدلِّيني إجاني صوتچ اسرِعْلي=عَجَل يبني تجيب اخوتك تحضرلي=تودِّعني ييمّه وين=بلا چفّين صعُب أحضَر وصَل وكْت المنيّه وصحتي يولادي=أنه من رحتوا عنِّي و الحزِن زادي تِجوني أربَعَتكُم و الگمَر حادي=اذا ينهض يجيني و يطوي الوادي أجي و ابطبعي يالتدرين=و لا تصعَب الصعُب أخجل إلي بالعين=تصد زينب و لا ترضين=بلا چفّين صعُب أحضَر يقين الوالده اتريد ابمناياها=الإبِن إلها يجي و يتوادَع اوياها شَخِبرِچ آنه من جاني إبن طاها=يودّ عني واشفافه ابشِفْتِي خلّاها يخويه يا سنَد ظهري=دِگوم اوياي گلِت أرجع صعُب تدري=بدون الماي يخويه احسين=بلا چفّين صعُب أحضَر إذا إبن الرسول المسته أعذاري=بلا شك ما أجيلچ إخذي أخباري وَحَگ دُرِّچ عليّه يشهد الباري=أجي لو مالقدَر ما نازل و جاري الضعَن آنه الذي اكفلته=وگِطَع ظَنّه و بعد و الجود ما جبته=و رحِت منَّه هذَن اثنين=و بلا چفّين صعُب أحضَر تگلِّيلي أريدك إنته دفّاني=اشتريدين ابحضوري ايهيِّج أحزاني تگولين الگمر شالسبب ما جاني=أنه اشبيدي عليچ ابعالمي الثاني لوَن أحمِلهِن ازنودي=أجي اعله الراس اشيعِز اعليچ مجهودي=أنه العبّاس إلي اتنطرين=و بلا چفّين صعُب أحضَر