وين اليعزُّون=حلَّت مُصيبه و فاجعه واجب تنوحون=أم البنين الأربعه فاجعة أم الگمر= عادت ابذكراها والده ابمّر الدهر=تبﮕه ما ننساها و الذي ايريد الخبر=خلِّي يتعنَّاها للوفه رسمت صوَر=بالغه ابمعناها أم الوفه هاي=واجب نعشها انشيِّعه واجب تنوحون=أم البنين الأربعه بيها كل معنى الفضل=بالفضل موصوفه طاهره و ما تنجهِل=بالأصل معروفه هالصفات التنحمِل=بالبنين انشوفه و الفرع مثل الأصل=منهو ضحَّه اچفوفه من أجل لحسين=طاحت اﭽفوفه امﮕطَّعه واجب تنوحون=أم البنين الأربعه نالت ارفع منزله=الله راد الها الفخَر للشرف تاج العُله=والجليل الها اختبَر كل وِلِدها ابكربله=اتذبّحت صارت وذَر صبرَت و متحمِّله=لجل ابن سيْد البشَر محتسبه لله=لامره و حكمْته قانعه واجب تنوحون=أم البنين الأربعه قانعه و متصبّره=و تشكر الله ابهالكرم للزﭽيَّه الطاهره=وفَّت و مطلبها تم يوم سبع الﮕنطره=للوفه راسه انهشم اكتسبت اعظم مفخره=ينقسم بيها قسم نحلف ابعباس=و هذه القسم من نرفعه واجب تنوحون=أم البنين الأربعه هيَّه ﭽانت تنتظر=احسين ابن حامي الحمه يرجع و بيه تبتشر=اندعت الله ايسلِّمه اشلون من سمعَت بشِر=ينعه ضنوة فاطمه ظل دمعها المنهمِر=مثل عين ام السمه و اتمنَّت الموت=و لا سمعت الناعي النعه واجب تنوحون=أم البنين الأربعه كلمن البيها اعتقد=بحﮕها يدعي و ناجه ما ترد سائل أبد=لو سألها ابحاجه بحر جود ابلايه حد=ابكرم تجري امواجه إلها ﮔاصد لو ﮔصَد=ياخذ المحتاجه و هنياله هليوم=إلها اليسافح مدمعه واجب تنوحون=أم البنين الأربعه