( وداع الفرض ) اليوم يا صبح الديانه امصابحه=وإلمن اعيون المنايه شابحه اليوم يا صبح الذي ايمر بالأرض=ويا شمس تگدرعله الدنيه اتعرض والفرض ودّع موازين الفرض=والسمه بلون العليها شارحه والسمه دم عالأرض تذرف ذرف=ليله ما يوصل على همّها وصف دمدمت وارعد حملها وترتجف=وصاحت بعرش الموده الصايحه صاحت بعرش الوفه اصوات الحزن=والفلك بطّل مداره وممتحن اجتمعت اعله النايبه أنس ٍ وجنّ=ونا حت ابچبد المجرّه النايحه ناحت أملاك السمه وتجري الدمع=ونكّست راياتها اعلوم الشرع الليله ابو الحسنين هامه منفلع=وشيبته بدم التدفّك سابحه شيبته ابدمه اصبحت متخضبه=وطّوح ابهمه وتلوّع محربه وبمصابه اتصوبت أهل العبه=وليلة افراگه عليهم لا يحه ليلة افراگه ارفعت عنوانها=والمواجع بالصدر ديوانها وجّت ابگلبه العده نيرانها=والهموم اعله النواظر واضحه اهموم بعيونه وحزن ماله مثيل=وتحفر اللوعات بأحشاء الدليل ويلي يا ويلي على حامي الدخيل=وروحه من كثرالمواجع رايحه روحه باللوعات تسبح والآلم=وانطوه ا لحيل وتناثروانهد م والگلب لولاده بالحيره انجسم=يم ابو اليمه الخوا طر سارحه النحر ابو اليمه يصد عقد الوله=والمدامع نار عالخد ها مله اتصوّر الطف ومصيبة كربله=وللجسد حين التگنطر لامحه للجسد چنّه يشوفه ومنذبح=والنحر مرفوع بسنان الرمح والضمه ابدلاله خلّفله جرح=وجثته اعله الگاع ظلت طايحه