( جدحة ومض ) گمر هاشم نور هل اعله الأرض=وانكتب حبه ويه دگات النبض گمر هاشم گمر مامثله گمر=عالأرض نوره تشعشع وانتشر ما حوه آية جماله من البشر=ونظرة اعيونه مثل جد حة ومض نظرة اعيونه حرب حين الحرب= وللعباده اسيول عالوجنه تصب والصدر ميدا نه للگاصد رحب= نور واعلوم اومدارس للوعظ گمر هاشم عَلم لبحور العلم= وموت بالحومه ايتسلّط عالزلم شبل حيدر للكلايف ما يهم=ما تهمه أعدادها وماله غرض گمر هاشم ليل چفه اعله العده= العيد عنده العيد ساعات الرده وسام حيدر للمراجل قلّده= اتولّه للأرواح بالحومه قبض گمر هاشم بدر بالطف اعتله= والمچارم گيش لاذ ابساحله اتسلّطن اعله الزود نور ومرجله=وانفرض جوده عرش لهل الفرض هاذه ميزان الوفه لهل الوفه= وچفه هاتف للمنايه ابمرهفه هاذه حين ايغير مجبل عاصفه= وللكلايف دوم صمصامه يفض للفرات بچفه ذ لّه ورخصه= ومن حوافر خيل أميّه خلصه يمنته لحسين ظلت مخلصه=وبالطفوف أتفوقت بأحسن عرض صال وأردف يحصد أرگاب الرجال= مهرته الغيره لمن شد بالنزا ل لوّح اليمنه علم رد للشمال= حطها للأجيال عنوان الرفض جاد وأمله الجود من جود النفس= وخلّه حته الماي باللوعه يحسّ جال والطاعون سيفه اعله الرجس= وياهو للطاعون يگدر يعترض سوّه شاطي الماي شاطي للدمه= وخله كل جحجيح عاره امحزّمه عالفرات شلون صارت ملحمه= لسّه منها الحيل واجف يقترض