راحت امنه الليله عنَّه= و اليتِم بيَّن علينه يخِوتي ابهاي المسيَّه= أمنه وافتها المنيَّه و اليتِم بيَّن علينه گصدَت اخوتها العقيله= طفله وتحس ابيتِمها تجري دمعتها اعله خدها= امكدِّره و ماخذها همها اتلاوحت هالصوره إلها= و القدر إلها الرسمها فاگده و الِّي افگِدتها= يا وسَف ما تدري امها اشتسأل اخوتها اشتگلهم= وهيَّه مهمومه وحزينه إلمن الحاله كئيبه= وبينه چن حلَّت مصيبه و اليتِم بيَّن علينه امن ابتدت دمعتها تحچي= انمزجت ابچلمات طفله اشبيها حزنانه وكئيبه= و الأمر چانت تجهله إلمن اتحس ابيتمها= و الدمع سافح تهلَّه الهالسبب لخوتها راحت= كل اخو گامت تِسِأْله خويه ليش الدنيه ضاگت= واحنه چنَّا اتيتمينه جاوبوها يا إختنه= ماتت ابهالليله أمنه و اليتِم بيَّن علينه إخوه وايخبرون اختهم= و بيِّنوا إلها الفجيعه أمنه ماتت يا إختنه= و من بعدها انضيع ضيعه الها السبب يختي نخبرچ= ضاگت اوياچ الوسيعه امكدِّره الدنيه ومحزنه= من غياب امنه الشفيعه راحت ابونَّة ألمها= و بيها حسرتها الدفينه تخفي ونّتها ابصدرها= وانگضت رحلة عمرها و اليتِم بيَّن علينه التفگد امها ابهٰذي صوره= مو سهل يخمد فزعها اتذكّرت بالباب طاحت= من جسَر ذاك الدفعها و ظلت اتلوج ابألمها= و الألم كسرة ضلعها اتلاهبَت منها المحاجر= دم غدت تهمل دمعها وصاحت ابهاي النوايب= يخوتي بيها ابتدينه يخوتي من دفعوا امنه= للشدد إحنه احتزمنه و اليتِم بيَّن علينه اتوجِّهوا لمهم سويَّه= و منها وسفه الروح راحت التمَّوا اعليها ابحزنهم= و العقيله ابصوت صاحت يمه ردي اعليَّه ردي= ذاهله ابهالحاله طاحت آنه زينب آنه يمه= و النوايب ليَّه لاحت توني يمه اببادي عمري= و الگلب أعلن ونينه و الحسن و حسين يمچ= و آنه ويَّاهم أكلمچ و اليتِم بيَّن علينه