ناديتک يا راعي الراية=جودک وين اتفايض ماية؟ تدري بحالي...عگب الوالي....من يبرالي؟ ياعبّاس يمنتي الحطها بيمينک ذاک ابو الحمله علي من صرت بيدک وديعة بشاربک وانت الولي طلعتي من ارض المدينه ولا تمايل محملي وبرفيف الواک خوية اهموم أخيتک تنجلي عباس انت وحامي الثاية=وانت الکل گومک تچاية بيک اظنوني...تقر عيوني...تحمي اظعوني يا عبّاس خيمتي انت انصبتها وارفعت ليها العمد وبوجودک يبو فاضل رفرف اعليها السعد هيبتي بهيبة وجودک وانت لعضيدک ضمد اتغيرت حال الوديعة وهيچي مکتوب الوعد اشيبرا اصوابي...اشعظم مصابي...شنهو جوابي ياعبّاس لا تعوف أختک وحيدة وهذا مووکت المنام بشاربک هذي الضعينة ويابدر قومي التمام من عگب عينک يخوية ينحني ظهر الإمام مانريد الماي ارجع خلي عينک عالخيام يدري حسين بهاي الغاية=عاين عدوانک واعداية من يلفوني...وإيروعوني...لويسروني؟ ياعبّاس مروتک ترضه العقيلة ميسرة تسيل الدموع مروتک تقبل عضيدک وحدة مابين الجموع مااظن تنام عينک واسمعت کسر الضلوع ومااظن تقبل يخوية اطفالک تنوح وتلوع مکفولة و جيتک شچاية=ظعنک شو غيرک حداية؟ صوتي ايحشمک...شوف اخيمک...تسعر يمک ياعبّاس انت هيبة زينب اختک ثلث تنعام الچفيل تصول صولات الصميدة وانت هم حامي الدخيل وابوکت شيل الکلايف انت ابد مالک جبيل خايفه اسهام المنية اتصوب اقليبي العليل عباس اسمک ضي عيناية=يا هيبتنا وسور احماية لو تتگنطر...يلفي العسکر...واحنه ابهالبر ياعبّاس