عــــدد الأبـيـات
12
عدد المشاهدات
2086
تاريخ الإضافة
26/01/2012
وقـــت الإضــافــة
10:30 مساءً
حملة الابوذية للتضامن مع البحرين
ابوموعود:
ليل اشتاي اسهرنه منامه=وصرت مثل الطفل ضايع منامه
انفجر برکان واهتزت منامه=وفرک خشم اليضد حامي الحميه
الشاعر ملاغلام ابومحمد من الأهواز/مدينة معشور:
سفن شيمة هلي بکل عز يبحرين=وبيها العالم افکاره يبحرين
ظل ثابت هلک ثبتت يبحرين=وعلت راية صمودک للثريه
الشاعر حسين الساعي من الأهواز/مدينة المحمرة:
نبط عرج المحب والصوت بحرين=ابنواقيسه ويرج ميدان بحرين
جبهتين وتصير اعدال بحرين=تغرّگ لو نخت حامي الحميه
الشاعر السيد عبدالخالق الحسني من الأهواز/ مدينة معشور:
جبينک نور ابوالحسنين شعبه=يمن ضامرک سهم الفتن شعبه
بلد مثلک دخل يفتخر شعبه=وفخر گاعک بهلها أهل الحمية
وهذه المشارکة للأخ محمد ادريس ابوعباس من مدينة معشور
من الشعر ((الهات))
مايهمني العادة ديني وسنته=وادري سيفه اچفوف بغضة سنته
عفيه عالبحرين شيعة وسنته=بسهم خوتهم عموا عين الشمات
الشاعر الملا غلام ابومحمد من الأهواز مدينة معشور:
وحگ تربة اقبور الطف وطنها=اجدام الکم اعروش العز وطنها
أفاعي التوگف بثاية وطنها=تعيش احرار مادام الدنية