گلّب بالمحاچي الفات والمافات= وانشدها الثريا اتعرف ناصيتي انا الشيعي الموالي شماتمر رياح= ما طيع الهوا تندار ساريتي قصيدة انا الکتبها النخل بالأرواح= عاين للسعف تلگاه قافيتي وانا الهور العشگ صفنات گمرة ليل= وتغازل نجوم الليل برديتي انا الشيمة التعلت فوگ نجم سهيل= يتباهه الگمر بخيوط خاچيتي جبل آنه بصبر وشلون اطخ الهام= لسفوح الرمال وتلعب بنيتي عاين للسما وشتشوف بيه نجوم= يتمرجح نجمها بخيط چفيتي وانا ربات المنابر مااهبط الراس= لشموخ اشوامخ مرتفع صيتي علمني الحسن ميه هله بکل ضيف= مضرب للمثل بالکرم صينيتي وعلمني الحسين اتلاوه وي ا الظيم= مختومه بفضل عباس تضحيتي وهذاک آنه الولاء الحيدر الکرار= وأرقه اعلي المعالي بزود شيعيتي ولئن باب الصميدة اوجرت بيه النار= اطلب ثار،مو بيت الزچيه ينحسب بيتي ما عوفن هلي و ما عوف نهج حسين= حدر من الضلع برکان تعزيتي انا اربات النخيل البايعت مولاي= ما تشرب مذله معروگ بر حيتي جبت عمرک يخايب لعب عالحبلين= حسبالک تغيّر بيک وضعيتي بس الأيد أمدها الحيدر الکرار= حيثيتي، بعلي الکرار حيثيتي هذاک آنه التربه بزود ابو الحملات= أي والله من ابو الحسنين تربيتي و تراب اجدام قنبر يا أبا الحسنين= کحل عيني و کحل لعيون أهاليتي