ردّينه ردّينه= الكربله ردينه منهو اليتلگه العايله= الكربله ردينه زينب أنه و ردّيت ابضعنك يحسين=محّد خبَّرني وين اتوجّه لاوين يا كتر گبرك بس اصدّن بالعين=گبرك يخويه امنين اتوجّه له امنين نادينه نادينه= بالحزن نادينه إنهض يبن عقد الوِله= الكربله ردينه جيتك يبن امِّي أشكيلك حالتنه=و الحل علينه اخلافك بغيبتنه من گبرك اگعد واستمع شكوتنه=من اليسُر إلكم هاذي جيّتنه اتعنينه اتعنينه= الكربله اتعنينه بدموعنا المتهامله= الكربله ردينه يمكم إجينه ابنايحتنه و أحزان=و حالتنه اتذوْب الگلب لو مرمر چان اتذكرنه من شبّوا بخيمنه النيران=و فرّينه حِسَّر يا خويه بهالوديان فرينه فرينه= امن النار فرينه و الموت النه اخلافك حله= الكربله ردينه شحچي و شَسولف بالذي اتحمّلناه=من الدهر خويه الموت اتمنيناه چم سهم چم لوعه احتملناها ابآه=لا حمه و حتى انلوذ و نلتم بحماه تدرينه تدرينه= ابلا والي تدرينه و احملنه آلام و بله= الكربله ردينه و توجَّهِت صوب الشريعه و ناديت=يا ابالفضل صحْت و نِحِت و نخّيت ما تدري بينه يا خويه اليوم اجيت=يالحادي اترِد بينه ابحماك اتمّنيت اتمّنينه اتمّنينه= اترجِّعنه اتمّنينه ابضعن الذي متكفِّله= الكربله ردينه