آنه الذبيح المنذبح بالحومه ظامي=و يا شيعه من بعد الذبح رضّوا اعظامي إبن الرسول المصطفى آنه يشيعه=و ابن الوصي الواجب على الأمَّه تطيعه هلأمّه نقضت بالعهد نقضت البيعه=خلوني وحدي بكربله ابذيچ المرامي خلوني وحدي بكربله بعيالي محتار= لا إخوه عندي الِّي بگت لا عندي أنصار و آنه وحيد بهالفله و حاطتني الاشرار= لا ناصر الينصرني و ما لي محامي و عبد الله بيدي من رحِت للعده ايشوفوه= ظنّيت لمّن ينظرونه ابماي يسگوه لكن يشيعه من سهم حرمله فطموه= و اگبالي يا شيعه وگع كل جسمه دامي و لو تنظرون الحالتي وحدي بالميدان= و يا شيعه وبذاك الظهر من مثلي عطشان سبعين الف حاطتني من عصبة الشيطان= و گامت عليَّه اسهامها الچتلي ترامي يا شيعتي و سهم المثلّث صاب صدري= گطَّع ابگلبي و چبدتي و تعدّه ظهري و بالحجر صابوا جبهتي و دموعي تجري= يا شيعه ذكروني و نادوا يا إمامي ذكروني يا شيعه الشمر لمَّن رفسني=و هالرجس مچفي اعلى الأرض لمّن گلبني ثنَّى و گعد وامن الگفه بسيفه ذبحني= يا طير خبِّر النبي و بلغه سلامي 1995