أنصار أنصار= يابوالأحرار إنته القائد= واحنه انعاهد يابوالأحرار يبو اليمّه إجينه اوياك للنصره إجينه اوياك يبن الطاهره الزهره كل واحدد بينه امتحنه واختبره يوِد ايموت من أجلك ألف مرَّه أحرار احرار= وانظل أحرار إنته القائد= واحنه انعاهد يابوالأحرار طلّگنه الحلال وجينه للبيعه ذممنه و العهد لا والله منبيعه إحنه اوياك نظل للآخره شيعه يقائدنه واقائد واجب انطيعه أخيار اخيار= أنصار اخيار إنته القائد= واحنه انعاهد يابوالأحرار يبو اليمه إذا رايد تخيِّرنه غير الموت أبد والله مختِرنه ألك يبن النبي نفدي مناحرنه وكل اعذار عنَّك ما تأخِّرنه أدوار ادوار= نحمل أدوار إنته القائد= واحنه انعاهد يابوالأحرار ساحات الحرب هيَّه اللي تكشفنه أبد ما نرجع و نخلِف مواقفنه إلك هالتضحيه ابدمنه التشرّفنه وهذا الجيش كلّه ما يخوّفنه إيثار ايثار= نملك إيثار إنته القائد= واحنه انعاهد يابوالأحرار نريد انموت گبلك إي يقائدنه أبد غير الشهاده ما حلَت إلنه حَل وكت الشهاده و هذه موعدنه هاي التضحيه اوياك التخلِّدنه إصرار اصرا= شوف الإصرار إنته القائد= واحنه انعاهد يابوالأحرار