حَجُّ الوَلاء طَفْ كربلا اتْمَثّل إليْ=واتْخَيّلتْ ضنوة علي بيت الله رحْت ابكل حنين=شفْت الّطفوف اوْيَه الحسين رحتْ بيت الله واركاب العشق خذْني ومِنِ ابْعيد البلَد لِيه ارزَمتْ ضعني اوْصَلتْ للكعبه وابْضيْها اكتحل جفني وارِيدَنْ من إلهي ابعفوَه يرحمني حين اوﮔفت يمّ الحجر=فاض الدمع مثْل الدرر يا وسفه ﭼنّي ابهالأنين=شفْت الّطفوف اوْيَه الحسين شفت مكّه الطّفوف ابعيني انظرها وشفتْ كثرةْ خلق يا محلى منظرها وانَا ابهالحاله عيني اتجارى محْجَرها وشفت بُو اليمّه والْزينب يصبّرها بُو اليمه شفته ابهالحزن=هَمْ زينب اتحنّ وتِوِنْ موْقِف أشُوفه اشَقَد حزين=شفْت الّطفوف اوْيَه الحسين رحتْ صُوب الصّفا والمروه بالامي وسعيت ابكل خشوع ودمعي ظلْ هامي شفت بُو فاضل ابﭽربه وهتف ضامي اطْلَعت مِنّ الخيم أرْد أروي ايتَامي ويّانا يسعى بُو الفضل=تنتظره ﭼم طفله وطفل بين الجموع السّائرين=شفْت الّطفوف اوْيَه الحسين ارْجَعِتْ للكعبه والْوادم تحف بيها وانَا ابلهفة ﮔلب لن اﮔصدِت ليها شفتْ صفْوَه ويصلّي بيها واليها ورجَال امْن السّهام ابهِمّه تحميها أنظر نشَامه ابهالحرم=واعليها ﭼم رَمْيَةْ سهم منّ الطُّغاة الجائرين=شفْت الّطفوف اوْيَه الحسين ولَعِدْ زَمْزم رحتْ واﮔليبي يتْوَجّر واريد اشرب عذِب لاكن شفتْ منظر شفت بُو فاضل ومن حوله العسكر يقاتلهم وسف والعيله تتنطّر وابعيني شفت العلﮕمي=ابْزمزم وخذْ دمعي ايْهَمي لمّنْ خذِتْ بيدي المَعِين=شفْت الّطفوف اوْيَه الحسين عفت ماي العذب مثْل الﮕمر عبّاس لإِنْ شفت الرضيع امْخَمّد الأنفاس ورحت صُوب المقَام وحزني ما ينْقَاس وشفْت بُو اليمّه طايح واضْرَبتْ عالراس ﭼنْ عيني تنظر عالدرب=بُو اليمّه طايح عالترب لمّن دِمَتْ من عندي عين=شفْت الّطفوف اوْيَه الحسين الْمِنى اتْعنّى الْركب واعيوني تتلَفّت أَدوْر العتره واﮔليبي ابأسى امْفَْتّت بعد رمْي الجِمار الأُضْحيَه انذبحت أضاحيْ وﭼنها صَفْوه ابكربلا انﭽتلت هذي الأضَاحيْ ابكربلا=مرميّه في حرّ الفلا كلْ منهم امْصَاب وحزين=شفْت الّطفوف اوْيَه الحسين