طيب النفس بحديث ردّ الشمس «شيعتي» ياعلي معناك صارت = گطب والعالم رحاها ومثل طي السجل بيدك = تنطوي الأرض وسماها من لطف رب البريه = ياعلي صيّغت ذاتك جملك من ضي جماله = ومن سنى القدره صفاتك أشِّرت للشمس ردَّت = حتى لا تقضي صلاتك گصدك اتأدي الفريضه = ابحينها وتكره قضاها لعد مسكين ابصلاتك = خاتم انطيته ابهدايه ابفضل تصديقك الآيه = نزلت السيد البرايه والذي ابضدك تصدق = نزلت ابحقه الآيه لاهو صدق لاهو صلى = كذب وتولى وتباها ياعلي گلب اليضدك = اعمه لو كلما تنور بالعلوم اودرس بيها = وبمعانيها تبصر واشتفيد اعلوم گلبه = لون من حبك تنكر من الحديث آلاف حافظ = من الذكر آيه نساها وانت من «عمه» نبأها = والملَه بيك اختلافه «ب» بهائك «س» سرك = « م» من معناك اضافه «لام » من اسمك عطف له = (بسمله) تم بانعطافه مبدأ القرآن صارت = نورت گلب القراها ياعلي و (انا فتحنا) = بيها توضيح انتصارك للنبي نصر عزيز = بيك وبذات الفقارك ابفضلك الآيات سبعه = نزلت ابسورة (تبارك) گمر وانت ابسورة (الشمس) = وبيك متأيد (ضحاها) وضح القرآن فضلك = باستناد امفسرينه الراسخه ابهالعلم تشهد = بالنبأ ومأيدينه الشمس معناها محمد = والضحى توضيح دينه والگمر آيه وجودك = أيد الشمس وتلاها للنبي نزلت السوره = انا اعطيناك كوثر بآية الثالثه امصرح = شانئك هوه الأبتر الأبتر الخاصم محمد = لاچن الكوثر تفسر فاطمه ونعم الهديه = للنبي الباري هداها وانهدت لك هالهديه = ياعلي وانت كفو إلها (مرج البحرين) آيه = ومنضرب بيكم مثلها لون ما يجعل الباري = الفاطمه شخصك بعلها چان ما بالبشر واحد = بعل صار الها وغشاها اتنظمت بالناس فرقه = وحدت رب البريه ابحكمته ومنزل كتابه = وبالسياسه الأحمديه جعل باري النسم سيفك = آية الكبرى النبيه اتأيدت من گبله بيها = آل عمران وعصاها وكل نبي اختصتله آيه = وانت ظاهرها او بطنها وكل براهين النبوه = هيه منك وانت منها علمك وحلمك وعزمك = وجاهك السامي ابضمنها والرسل من هالمعاني = ماهي بلغت مبتداها للنبي الكوثر كرامه = وانت ساقي سلسبيله وانت حامي الحمه وغيرك = منهو اليحامي دخيله وللأرامل چهف عصمه = وكل يتيم انت چفيله وزينب غريبه ابكربلا اتخليها كفلت بناتك من عگب واليها اتلم ابيتاماها وتحن عليها هالله هالله اشحال زينب = من امصاب اللي دهاها ابكربلا ذبحوا عزيزك = ياعلي حسين وعمامه ويوم عاشر من محرم = عالحرم چلچل ظلامه يم علي السجاد گامت = زينب اتلم اليتامه فگدت يتيمه من يتامه المظلوم تتطلب الطفله وبالفجوج اتحوم نوبة اتعثر نوب تگع نوب اتگوم اتنحلت من المصايب = زينب وضعفت گواها زينب اتجد بالفيافي = إمحيره وتصفج بيديها لن تنحرها ابدربها = فارس اموكل عليها ابها البراري صاح شنهي = حاجتچ وتدوريها صاحت يتيمه من اليتامه امضيعين ما ندري بيها ابها الفله صارت وين مرت يتيمتكم علي گبل ابحين ما لزمنه اثر الها = ولا تطلبنه وراها للحرم عودت زينب = بعد ما گطعت البيده صاحت ابوجه اليتامه = راحت الطفله شهيده يختي يم چلثوم گومي = لا تخليني وحيده حرمه وغريبه وخطر ممشاها ابليل وهاي الزلم تتخاطف وهاي الخيل ينهض عليلچ بعد ما ظن بي حيل وغدت تتباچه الفواطم = للعليل أكثر بچاها چالگطه المرعوب گامن = واعتنن جسم ابو اليمه شافن الطفله إعله صدر = حسين وبنحره تشمه أمتربه ابذاري الوطيه = أمعفره أمخضبه أبدمه تصرخ الطفله وتهمل إبدمع العين من زغر سني يتمتني يحسين يابويه هذي جثتك راسك وين ؟ وچبدتك يحسين گبل = السهم ماذيها ضماها بويه سيف الحز وريدك = ريت دونك حز وريدي وخنجر اللي گطع ايدك = لون دونك گاطع ايدي ولااظل عگبك ذليله = وعالهضم يتلوه جيدي ريت الگطع گلبك گطع دلالي ولاچنت اظل ابكربلا بلا والي ريتك عدل بويه وتشاهد حالي خذن وياهن الطفله = وزينب اتكفلت رباها