تاج أمير المؤمنين (عليه السلام) «شيعتي» جوهرة تاج الدين = نص الولايه وحيدر زعيم التاج = والباري اختاره لو ردت ياصاح تعرف= حيدر او إكسير ذاته انصاغ من جوهر الحكمه= او روح للحكمه حياته طالع القرآن عنه= وشوف تأويله ابصفاته سيفه نقمه او چفه رحمه = او نصر عزمه اولفظه حكمه او بحر حلمه اودرس علمه= والعلم روضة رباته ابمدرسة باري الكون = حيدر تعلم من علمه المكنون = ومن غامض اسراره لاتجادلني يجاحد =واكتفي ابهاي الفضيله الباري من راد المثال =العزته او ذاته الجليله صاغ من جوهر القدرة =حيدر اونفسه الجميله للإزاله عن مثاله = بالعداله اومن كماله او من جماله اومن جلاله = صيره الحيدر مثيله مثلت باري الناس = حيدر صفاته اوللرسل شدة باس = هيبته القهاره الكون من كونه الباري= ابقدرته وشاءت حكمته يخلق امن الطين ( آدم ) =بشر ويرفِّع درجته او أنعم اعليه ابولاية= حيدر او تمت نعمته من قبلها او ركن الها = اوظل جعلها وبعملها اوفي شملها اوحدر ظلها = رفع صيوان النبوته ابصيوان آدم لاح = مصباح يزهر او يقتبس هالمصباح = من حيدر انواره عالبشر ما ساد « آدم »= لون ماينعجن طينه ابماي من عين الولايه =او يثبت ابنصها يقينه اومن سجد له الملك شاهد =نور ابو حسين ابجبينه لايجاهل تظل غافل = منته واصل لاتجادل بالفضايل والرسايل = ظاهر اوباطن « علينه» والحسد لايعميك = وچد الشريعه اوبالجهل لاتغويك = نفسك الاماره اونوح لمن صنع= فلكه سيره ابسير الولايه اوخاتم اسليمان آيه =وسرعلي باطن الآيه مرشد الأسرار حيدر= والخليل ابكل قضايه منه يدرس نجد فطرس = علي او مونس لعد ( يونس ) والمؤسس والمدرس = منهج الحق للبرايه هاي المعاني اتفيض = غيظك يجاحد لوبعد ازيدك غيظ = واشرح لك اخباره شرع منهاج النبوه= او وضح أسرار الديانه درس ( داوود ) ابزبوره= او ( حيدر ) ايترجم بيانه و( موسى ) بالتوراة يشهد= ( علي ) افصح من لسانه عيسى يشهد حيدر أمجد = منه وأسعد رايه ارشد بي تأيد والمحمد = مهد الكون ابزمانه وبفضل ابوالحسنين = يشهد محمد ويشهد شعار الدين = والبيت واستاره يشهد الدين او شعاره =او يشهد الباري ونبيه ابفضل من طهر= الكعبه من اصنام الجاهليه حيدر الواضع اجدامه= ابموضع اليد العليله بالمغانم والمچارم = سيف حاسم على الظالم بالمحاكم خطه راسم = للشريعه الأحمديه ابهالخطه والتنظيم = الله العباده بالحق جعل تقسيم = من جنته اوناره هذا تقسيم العداله =والعرف معناه غالب ينجح ابحسن السلوك= او يفلح ابحسن العواقب أقسم الباري ابجلاله =ابحيدر ايثيب اويعاقب اتصالي ابعلي العالي = بالمعالي والموالي لايغالي او لا يبالي = لومدح راعي المناقب ممدوح بالقرآن = عندك اعلومه ابذات العلم للجان = طيعها بتاره اهتدي ياصاح واچسب= بالهده علم القياسه او قايس اركان الديانه =كل ركن حيدر أساسه وشوف ضرب السيف =إلمن وإلمن افنون الفراسه ملها مصدر غير حيدر = من تسدر وثن كسر حزب طشر فتح خيبر = وشطر مرحب جسم راسه وللعامري اتعناه = سيفه ابيمينه الچاس الگدر خلاه = يتهنه باثماره وحد المعبود سيف= المرتضى او أيد حبيبه يحضر الشده او يحلها =ولعد كل داعي مجيبه ماسمع زينب تنادي =ياعلي زينب غريبه ياكرار ما تحضر تحامينه=عگب حسين بالطف حرم ظلينه وهذا الليل چلچل يبويه اعلينه=او ما ظل بعد صيوان ما وجت اكتاره وانتخه الزينب ابوها= الكربلا ابليل اعتناها شافها اتلم باليتامه= وللغري اتوجه نداها صدت اوشافت سواده= صاحت او كبر بچاها اتنام الليل هاي الحرم خليها=گبل ابساع منهوبه ومسلبيها سمعت صوت جاها الولي ايحاميها=الخدرچ گصد حماي الما ينهظم جاره سمعته او رفرف گلبها =او صاحت اوحنت اوونت ردتك اتشاهد بناتك من =عليها الخيل هجمت والصواوين اعلى روس =الحرم بالنيران وجت وهاي النار چنها احرگت دلالك=وشفت الخيل رضت اضلوع اطفالك بويه اوجيت للطف تحامي اعيالك=اوجبت لها شربة ماي تطفي الگلب ناره بويه ردتك گبل ساعه= اتحضر بموسط العسكر تشل جرح الضهد =جاسم تشد طبرات البالاكبر اتعين الحسين اعلى =أخيه عالنهر مثله اتخوصر للعباس بيدك تشد اصوابه = والعامود طرهامته من صابه ويّه حسين تجري الدمع لمصابه= وتدور اعله الواه ويمينه ويساره