الدنيا تمور «هجري» النفس تعلم بالقيامه إشقدمت وشأخرت= إشتعتذر من ينشدوها إشلون باعت وإشترت يا سفيه الرا ي غير إللي توثق بالدهر=يظن ما تنفني الدنيّه خابت إظنونه إو خسر غرز شجرة طمع بيها إو منها يترجّه ثمر=أظن ما سامع أخبار (إذا العُشار عُطّلت) (لتتجسر)(1) عالمعاصي إو ياخذك بألله الغرور=خمّس إو زكي أموالك محتسب كون إو شكور لا يغرك حسن دنياك تره الدنيّه تمور=إيميد تشييد البناء (إذا السماء إنفطرت) إنتبه وإجمع أفكارك بالجهل لا تنغفل=(لتتحزب)(2)بالضلال إو لا تلم للغي شمل تنفصل كل ألأحزاب إو شمل ثابت ما يظل=ما سوه الباري يدوم (إذا النجوم إنكدرت) يمن بالميزان تطغه إو عن قسطها منحرف= بخس ألأشياء إشيفيدك من موازينك تخف يا من إبزهرة أيامك وإبهواها منشغف=وشتفيدك زهرة ألأمس (إذا الشمس كورت) حَرَّم أخذ (الربا) الباري إو بيه بعضا عاملين=الويل الكم يا من الحگ اليتامه غاصبين إشلون تنكر هالجريمه إو عله إمتونك كاتبين=إبد ما تخطي إبحروف من (الصُحف إذ نشرت) والذي يحضر شهاده إو من شرحها يختلس= إيشارچ المجرم إبجرمه إو من ذنوبه يقتبس والذي إبدنياه طاغي إو يستحل قتل النفس=إشيعتذر لو صار (سؤل بأي ذنب قتلت) لا تبث بالناس فتنه(أمضه)(3)كل السيئات=إو بعد أبيّن لك الغيبه ذاهبه للحسنات إو لا تصد بالحسد لو شفت المباني الشامخات=تنهدم يوم ألأهوال (إذا الجبال سيرت) تحث نفسك عله التوبه إو تود للباري تتوب=لكن إيماهدك عنها إبليس (يشرع)(4) لك دروب إيگلك إصبر بعد حين إو ألله غفار الذنوب=توب من ينفخ الصور (إذا القبور بُعثرت) إبهاي صح المثل إلنه الضاربيه العارفين=التهتدي بغراب يهديها الطريق الهالكين لكن اليهتدي إبنور الهده إو حبل ألله المتين=يحظه بالجنه إبعروس (إذا النفوس زوجت) الما يموت إعله الولايه بالشفاعه ما يحظه=أبد ما يجزي الصراط إبغير صك المرتضه حطب لجهنم يصير إو يطمرونه باللظه=إو يشرب الماي الحميم ( إذا الجحيم سعرت) والصلاه والصوم راس الدين والحج والزكاه هالذي والد اليمّه أو خامس أصحاب العباه أوچب إبوسط المعاره من حكم وكت الصلاه يصلي حسين وأصحابه وگفت دونه= بالميدان من الرمي إيحامونه إو سهم الگوم بانفسهم إيشگفونه=إبأجر مسعاها إتهنه (إذا الجنّه أُزلفت) بعكس گوم أهل الضلاله القدمو وألأخّرو بالطفوف أنصار أبو السجاد باعو وإشترو من حمه سوگ المنايه إبسوم ألأرواح أرخصو إو گلب حسين حن إعله فگد أنصاره= لمن طاح عالمشرعه شنياره صاح إبصوت وألگلب تسعر ناره=ياعضيدي إنكسر ظهري إعليك وإضلوعي إنحنت سيف عزم حسين من يمناه طاح إعله النهر إستوحدوه الگوم وبچتله إطمعت حرب إو صخر دارو إعليه بالسيوف إو بالرماح إو بالحجر طاح حسين والمهر ظل دونه يحوم=وإيحاميه يشگف رمي إسهام الگوم يترجاه من طيحته حسين إيگوم=أيّس من حسين مهره إو دمعة إعيونه جرت إيجيب العنان إو يسلمه بيد إبن حامي الدخيل إو يصك وجهه إعله الوطيه دون المگنطر چتيل إو مرّغ الناصيه إبدم حسين وأثگب بالعويل إيلوج حسين والمهر حايم يمّه =إو يگرب له ومن الوريد إيشمه إو رد النوب خضّب جبهته إبدمه=للخيم سدَّر إو عين الشاهدت حاله بچت منذهل والسرج مايل وإيتعثر باللجام يصهل إينادي الظليمه إو من وصل حد الإخيام إمن الخدر طلعن بنات المصطفه سيد ألأنام تصرخ وين يا مهر خليت حسين=إو هاي إتصيح سور الحمه إتكوّر وين إو سكنه إتصيح يا مهر وإتسح العين=ضاگ أبويه الماي لو من العطش روحه أفغرت چني أنظر حال زينب وأسمع الحره إشتصيح إهنا يمهر حسين وين حسين خليته طريح أظن ما ظل عظم سالم بي إو لا مفصل صحيح بيه إجروح يا مهر يمكن كثره=گلبي إنصاب چم طعنه وشچم طبره بعده حسين حي لو تدارك أمره=المهر أومه إعله المعاره والحرم ليه إعتنت إو زينب إستنكرت جسم حسين لمّن شافته إمترب إموذر إمعفر بالدمه إو ما عرفته إنته إبن أمي إو عزيزي إو نور عيني نادته إنته حسين وإبن أُمي المظلومه=عالتربان يا مهجتي إشهالنومه إصوابك بيك تصعب عليك الگومه=خويه وإشبصرك إبسكنه عگب عزها إتيتّمت مغشيه إعله حسين وعليه الفواطم حايمه هاي التشمه وذيچ التمش عن وجهه الدمه إو زينب إتنادي يخويه إبجاه أُمك فاطمه يا مظلوم صد لختك إو حاچيها=إعيالك وين من عگبك إتوديها إبمخفي الصوت رد أبو اليمّه إعليها=يختي من إيدي لأيدچ هالعيال إتسلمت