يا سيّدي من مولدي ليوم المنيّه خادم إلك و اتوسّلك يبن الزچيّه و ابدنيتي كل غايتي تنظر إليّه و إنت السخي او جيت انتخي ابخاطر رقيّه خادم او يريتك تحسبني=او من نسل عبيدك تنسبني يا من نجا البيه التجا او صار ابجواره گبرك سمى و اهل السما اتحفّ المناره او كلمن گصد ليه او وفد او طاف ابمزاره يصبح ثمن أجره كمن ابعرش الله زاره ! او نزلت الملايك عنّايه=حتى تمشي ويّه المشّايه باقي على نهج العُلا اشما تمضي لسنين و اشما يمر بينا العمر عالخدمه باقين بعض البشر عدها الفخر تاج السلاطين او تاج المُحِب من ينحسِب خادم للحسين الله كلشي خضّع لجدامك=او لجلك الله شرّف خدامك هاك استمع من يرتفع صوت الضماير او هذا الصدى ابطول المدى ايهزّ المشاعر و اعلى الوعد نكتب عهد ابدمع النواظر لحد الأجل نفنى او يظل [خطّ الشعائر] اشحدّه من علينه يتجسر ؟=عدنه هالشعائر خط أحمر ما يُنتزع ثوب الجزع او سود الملابس لمّن نوِن ابصوت الحزن نحيي المجالس يالمنبرك من منحرك يبني مدارس ابأوّل درس بذل النفس علّمني عابس ابهالعقيده صاير مضموني=قمّة التعقّل , بجنوني ! ابعشگ الگلب نطوي الدرب او عزم المراجل ما ننحرف مهما تحف بينا المشاكل يبن الطهر فوگ الجمر نمشي او نواصل هذا الأمر ابلطم الصدر او ضرب السلاسل ابمدمع المحاجر و العبره=يرضى عنّي حيدر و الزهره يالتعترض لا تفترض أترك بكائي او لا تتهم روح افتهم مبدأ عزائي من قامتي لو هامتي اتفيض ابدمائي لك يتضّح من هالجرح حبّي او ولائي يرتفع مقامي او تقديري=ابونّتي او بكائي او تطبيري