احْسين سر الله الذي ما نعرفه=و الله خافي سرّه او ما يكشفه خافي سّره و العقل ما يحرزه=اشگد حَباه الله ابْصفات او ميّزه اشچم كرامه عنده او اشجم معجزه=او هوه حتى تربته بيها الشفه الشفا او كل المعاني ابترتبه=و الدعاء المستجاب ابگبته و الائمّه كلها من ذريّته=اوهذه بعض البيها ربّنا شرفه شرّفه ربّ الجلاله او عظّمه=ابْچم فضيله ابْچم كرامه كرّمه و يكفي إنه احسين أمه فاطمه=و الأبو حيدر او جده المصطفى هذا جده او هذه امه او هذا ابوه=بالشرف معروف لمّن تنسبوه شنهو ذنبه اللي جنى و اتحاربوه=لاهو دَيْن او لاهي سُنة امحرفه لاهي سُنه امحرفه اولاهو طلب=اتْحاربوه اليا ذريعه اليا سبب ؟ لن جواب الگوم بسْهام انكتب=تدري شالغايه او گصدنا تعرفه تدري شنهي الغايه والمطلب جَلي=عدنا مَطلب من عصرنا الجاهلي انحاربه و نبغضه بغضاً في علي=او نطلب ابثار الحُرُوب السالفه نطلب ابثار المغيره و الوليد=و النصيحه بالحجر گلّي اشتفيد ؟ لازم احسينك نذبحه امن الوريد=و لا بد انشاهد دماه النازفه لابد انْذبحه او نكسّر له الصدر=بلچت ابكسره كسرنا ينجبر و راسه لابد نرفعه فوق السمُر=والعَلَم لحْمر ابموته انرفرفه نرفع الرايات وانرف العلم=انْروّع الأطفال , نحرگ هالخيم انفرهد الأطناب , نسبيها الحرم=انْخلي الشيعه ابدمعها التذرفه بالدمع و النوح و الهم و الحزن=خلها عالمظلوم بس تبچي او تون و خل جوانحها ابْهضمها تنطحن=و خلها تگضي اسنينها متأسفه