أبدي ابحروف النايبه او كلهن فجيعه=آنه انعي وانتو اعليكم الونه يشيعه ابحرف الألف أحمد نبينا نوره من غاب=و الباء بنته الطاهرة العصروها بالباب و التاء تسقيط الجنين او غدر الاصحاب=هجموا عليها او ما رعوا حگ الوديعه و الثاء ثالث فاجعه الصابت افّادي=راس الوصي يتصوّب ابسيف المرادي والجيم جرح اللي نزف من وصي الهادي=و ابموته طاحت راية الدين الرفيعه و الحاء حزني للحسن ما وفوا عهده=و الخاء خانت يا وسف في سمه جعده تسجيه چاس البيه صبح منمرد جبده=و الدال دفنه او حادثة نعشه او بقيعه و الذال ذرية محمد يوم الطفوف=و الراء راحوا چالأضاحي ابحد السيوف و الزاي زينب للمصارع عينها تشوف=جاسم و الاكبر و الذي ابجنب الشريعه و السين ساعه اللي نوى للمعركه احسين=و الشين شبگن بالولي كل النساوين و الصاد صيحات او بواچي او هظل و اونين=و الضاد ضاعت عيلته و اشلون ضيعه و الطاء طاح اعلى الترب من بعد الوداع=و الظاد ظامي و الگلب من عنده مرتاع و العين عاري و الصدر مكسور الاضلاع=مگطوع راسه سابح ابسافح نجيعه و الغين غارات العساكر صوب الخدور=و الفاء فرهود الخيام او سلْب لسْتور شگّن الجيب اعلى الولي و الشعر منشور=و القاف قهرا ً تترك الجثه الصريعه و الكاف كوفة و اشجرت بيها من اعياد=و الللام لمّن طبوا ابمجلس بن ازياد واحسين راسه ينصب من فوگ ميّاد=و الميم مسجوم الدمع لابن الشفعه و النون ندبه للإمام العينه ما اتنام=و الهاء هل دمعه دما لمصيبة الشام و الواو وينه ما ظهر منصور الإسلام=و الياء يمليها ابعدل هاي الوسيعه