أشوفك يا گمر عدنان بالشر تجْدح اعيونك=مو يوم الحرُب هاليوم , يبو فاضل على هونك ! على هونك يبو فاضل إيدك جرها عن سيفك=إلك يوم ابظهُر عاشور تجُر سيفك على كيفك بسْم الحسَن يا عبّاس منهم تاخذ ابحيفك يبو فاضل إلك فد يوم تاخذ حيفك امن الگوم بسْم المجتبى المسموم او يوم اللي تگف بالسيف ما واحد يگف دونك سمع عبّاس اخوه احسين او رد عن سيفه اذراعه=على أمرك يبو السجّاد او لمْرك سمعاً او طاعه نصبر او انته تدري زين مُرّ الصبُر مِجْراعه نصبر هالوكِت لا باس وامن الصبر نجرع چاس لچَنّه ابكربله العبّاس تشوفه ابغير هالحاله مع الگوم اليعادونك إذا نعْش الحسن هاليوم أشوفه ينرمي بسهام=أظل صابر يبو السجّاد او ما جُر بيدي الصمصام لچن باچر شصَبرني إذا أسمع بچي الأيتام ؟ و إذا طفلك عِلا اونينه او شوبح عالنهر عينه او إذا أسمّع بچي اسكينه بعَد ما شوف جدّامي او خل تغفى ابهنه اجفونك يخويه او طول عمري اوياك و آنه ابخدمتك يحسين=ما خالفت الك أمرك يبوالسجّاد طَرْفة عين و أريد الإذِن و الرُخصه ليوم المعركه امن الحين دليلي امن الصبر شاجر أظل الكربله صابر او حين اللي يجي العاشر أگول الجيش ابن سفيان إجاك الساعه طاعونك و إجا اليوم اللي ينتظره الگمر من سالِف الأزمان=جيش , او معركه , و الخيل , و العبّاس بالميدان يا ثار الحسَن يصرخ او عالرايه اصبَحَت عنوان عبّاس او عليهم هَد او صوته بالفله اتردّد يا ثارات ابو امحمّد و اينادي الحسن هاليوم نرِدّ ابكربله اديونك