حيدر داحي البيبان حمى المطرود و ادخيله=عد راسه اگعدت زينب تبث الهم و تشچيله تگله يا مغيث الجار ابخدري امعززه و تدري=و عُگب عينك يَضَيْ عيناي من يتكفَل ابخدري وياهو اللي يباريني من يجْسر عَليْ دهري عگب موتك بعيد الشر أروحن وين يا حيدر و گلبي حين يتكدّر بعدك ياهو يگصدني يجلي همّي و ايزيله يگلها شاوري او شوفي من تردينه الخدرچ =بنيني و زين أدريهم وقت النايبة اتحضرچ عليهم آمري و گولي تشوفيهم على أمرچ امْحمّد و الحسن و احسين واخوانچ من ام لْبنين يزينب منهو تختارين ؟ وياهو بعدي تردينه يصير الخدرچ اكفيله ؟ گالت يا علي والله كل اخواني رفعة راس=و الزود الشرف صارو عليهم يحسدوني الناس لچني بعد إذنك أختار الگمر عبَاس أريده ابخدري يتكفّل أخويه گدها و امأهّل وادري ابطبعه من يزعل يزيل الدنيا لعيوني و يردها حين أوميله سمعها حيدر او نادى يعباس اختك اسمعها=وديعة عودك الكرار و اريد ابذمتك اودعها وهيّه اعزيزة الزهره بعدي لا تضيْعها زينب يالگقمر اختك بعد صارت على بختك أشوفن نفسي لو شفتك و اريد العهد من عندك يبني او وعدك الليله گلّه يا علي شتگول أظنك زين تدريني=اشتوصّي ابراعي الغيره حريص ولا توصيني و مادامت إليّه اعيون زينب يا علي ابعيني يبويه و تدري عبّاسك ماخذ باسه من باسك أصيل و أصله من ساسك إخيْتي و اللي يدناها و يمسها ابچلمه يا ويله حين اللي سمع حيدر عاف الدمعه لخدوده=أظنه اتصوّر العاشر و شنهو اليجري بحيوده تصوّر طيحة العباس يويلي او طيحة ازنوده و عگبها ابيا وضع زينب و كافلها بگى امترّب و اشد من فگده و اصعب عگب ما العيله كفلوها تصير اكفيلة العيله !!