ما أسكت ولتظن جفن عندي ينام=على روحك جنيت وهيجت عاشور يبو تاج التنك عالزلم ما محسوب=البدبابة يهجم على عش عصفور الظهر جبت الحرامي وكتلة طب للبيت=كتافئة الحرامي برتبة الناطور بناتك ومهاتك ساكنات البيت=يسمو الملك ما اكشف المستور يسمو الملك شلك بحرف الواو=صرت سم الملك وعلى الشعب منثور أعاين عالخريطة الدم ملة البحرين=مو بحرين صارت للدماء بحور نسوان بعبيهن هجمن على الجيش=ومن صرخة الرضع يسكت الشاجور يعكال النفط آن الاوان اطيح=الى مزبلة حسني الان اجاك الدور لزين الهاربين ارحل يملك الشوم=شكد دست الجرح من حقة هسة يثور تتريك ضحاية وتمسي رحة موت=على عزرائيل شعبك نظموا طابور نحشم يا ألاهي بغيرة السجيل=دم الشعب الاعزل مو نفخ بالصور ردت كربلة والشمر ابن سعود=والسرفة سهم والشعب كلة انحور نريد حسين يأمر نكلب البحرين=بس يأشرنة بخنصرة المبتور نجي ومحزمين بغيرة العباس=والعباس متظل بالخليج قصور وأستثني الكويت الما صبح قابيل=العلى نهر الضحايا ما صبح ناعور ويبو درع الورق درع الجزيرة انوب=على اسرائيل جا هذا الدرع محظور ليش ليا سبب تهجم على البحرين ؟=هاي منينلك هالفتوة من عرعور؟ البحرين اصيلة الشرف بالبحرين=شيعية ومن الطف ماخذة الدستور لا متصير ظلمة الشمس عدهه اتنام=بدم اولادهه البحرين تبقى تنور ويظل حسين سور لثورة البحرين=فنة يزيد يكدر يصل حد السور