الامام الحسن (عليه السلام) ياأمام ورابع أصحاب الكساء=أوياجرح ليهسه ظل ينزف جرح يالحسن صوبوابيك الأنبياء=وإنهدم للدين في موتك صرح ولاأبد مو بس أرض حزنت عليك=حتى عرش الله للمدمع يسح انته نورالله واعدائك ظلام=وياظلام اليكدر إيطفي الصبح ياكريم البيت ياشبل الرسول=إسمك بساك العرش ماينمسح يامضيف العزة ياسفرة إباء=تنثرالغيرة إعله زادك مو ملح لليودك موش تفتح بس مضيف=لليودك باب كلبك ينفتح قمة أصلك يالحسن من يعتليك=قمة للقمة فلا يوصل سفح كالوا وصاحوا مذل المؤمنين=يالحسن وتحملت ذاك القدح بالصلح عزيت كل المسلمين=وحفظت دم الخلايق بالصلح جهزيت حسين إنته لكربلاء=وجهزت عباس ونطيته الرمح ونفس تضحيت الحسين إنته نطيت=وهيأت جسامك ليوم الذبح بالكلب إنته وفلا واحد نساك=إشلون شخصك ينسي ولا ما يصح وآنه جيت أرثيك ياجبد البتول=وجيت أمدحك وأنته أهلاً للمدح