أصبر روحي گلي شلون و أتصبر=من أذكر مصابك موسى بن جعفر من أذكر مصابك والسجن والهم=متصبلك دمع لعيون تنزف دم لون يدري الگبر لمن حواك شضم=آيات الجليل الصعب تتفسر آيات الجليل بشخصك ومعناك=ياموسى بن جعفر والعمر يفداك مصابك والجرح بالروح ما يبره=اظل انحب عليك واسچب العبره عليك بكل وكت يامهجة الزهره=ويظل گلبي عليك بحزن يتفطر من صبر الصبرته ولوعة السجان=خلصت العمر ياموسى بالأحزان سؤال بحيره أسأل ذنبك انته شچان=بسجن عمرك خلص وبلوعه تتمرمر يدري الطاغي مسجون وچنت أعزل=بس أبقه ألح وحقي من أسأل القرر هالقرار وسمك أشحصل=ما يدري يموسى موتك اشأثمر ما حاسب وتصبح كعبه للوفاد=ياموسى بن جعفر يا أسد بغداد نفس الظلم باقي بكل عصر ينعاد=ينزاح الظلم بالمهدي من يظهر