ضحكك لحن اسود ليله مغرور= ودمعتي المن شمع لا مو ضعيفه الشمعه بخيط تكدر تجتف الليل = وتعف عنه الصبح تكدر تعيفه ما نبجي حزن يل التظن هيهات =اجاويد ومناديلك نحيفه ولا بظفر شماته انك الجروح = على أي حيهم فزعنه يشيل سيفه ثوب الملح لتظن يستر جروح = وتصلي الفاينه بحضرة عفيفه السبع كونه سبع لورايد يعيش؟.= لايسمن بلحم الاليفه لبس نيته الثلج والباري انطاه= وعلى هام الجبل نصب مضيفه الاميرة اتظيف هيبة عزة للتاج= وتقلل قيمة التاج الوصيفه اذا ساوي علي ويه اليبغضوه = خلل بأسم العطر يعني اسمه جيفه الماركع ضميرة مركع الثوب= الكلشي بأيدة بس ايدة نظيفه الماسهر الجوع بطن مسكين= علي نيَم الجوع ابسد رغيفه اساوي اشلون حيدر واليبغضوه= شيساوي المرتضى ويه البان زيفه المسافه ابينهم موكيلومترات= المسافه بين عاهر والشريفه رغم حسنه القصر ما غر ابو حسين = علي فاتنته وجناة الصريفه اكثر من بجه في طاعة الله = واكثر من ضحك بالحرب سيفه قاطع صلة رحم الغمد بالسيف= واصل ذبح عدوانه بنزيفه واخشن من ثيابه عليه بالحروب = وناعم عاليتامه بنعم طيفه مثل الماي يتلكه المساكين = وبهيئة كرم يتلكه ضيفه ما راد الخلافه وجلبت بي = مثل ظلك يتبعك من تعيفه الخلافه حبهه الاول شخص ابو حسين = شيب طولهه حسرة لمظيفه تريد يمر زلفهه بجه فد يوم= وظفيرتهه تريد اتجس رفيفه وعلي عن الخلافه انشغل بالله = واهو صعر لجيتهه رصيفه ولا جاسه زعل ما لاذ بالغيض = بجرح (خم) من غفه ملح السقيفه وكال الجرح بصمات السجاجين= ما يخلد المنهن مات خيفه الحبني اسرع يطب الغاية الله=وميطب كالهه اليمشي على كيفه والموكدهه لايدنه للسيف=يلوث بخوفه كل قبضه نظيفه اهم شي من تموت اتموت اعداك = النصر للعايش يسمو حليفه موت حسين مثل النحله لتموت = هباء بسبب لسعتهه الطفيفه