طب الساحة الميدان الحرب ما مكثرت بيها=خيل اوزلم جدامه طي السجل يطويها شبل حسين وحده ايحوم فرت كل مساميها=مذعوره وفرت جدامه اول شاب يحمل سيف تقدم من بني هاشم=باليسره حمل رمحه وبيمناه حمل صارم تنومس بيه ابوه حسين ودعه امن الله يرد سالم=ورد شبل حسين من الحومه بزغر سنه العقل يحتار شباب وهز ربوع الطف=الكوفه شهدت ابفعله والصف ذبه على الصف اخلاق المصطفى جده ابشجاعة حيدر اتوصف=يهتف من اگبل عالحومه عرف نفسه بالميدان صاح ابصوت يا اشرار=عمي الحسن عودي حسين وجدي المرتضى الكرار اشما كثرت افلول الگوم اردها ابعزمي والبتار=ذكرها ابجده اوصولاته من كبر علي الاكبر مثل حيدر علي ابصفين=غاص بوسط ذيچ الگوم وگلبها ايسار فوگ ايمين وباب الخيم فرحان يشاهد شبله عوده حسين=فرحان ابشبله اوحملاته ليله اتشوف وجه حسين تبسم لاچن اتغير =ابچاه امك تگله اشصار على اوليدي علي الاكبر ياليله برز لبنچ بطل معروف ما ينكر=لبنچ ياليله انتي ادعيله ليله بوسط خيمتها صاحت صوت يامندوب=عليه رجع اوليدي ياكاشف كرب أيوب اريد ابني يرد سالم مثل يوسف لعد يعگوب=رد سالم لمه وعماته بيده راس ابن غانم متنومس رجع عطشان=يبويه الجائزه اطلب ماي ياسبط النبي العدنان اجيتك يابس الساني يبويه اتعبني الميدان=وحسين اشجاوب لوليده يبني طلبتك سهله لاچن يبني وينه الماي=مثلك يابس الساني وهذي ناشفه عن هاي رد اوجدك اليسجيك آه يبني يبعد اچلاي=جدك ينتظرك على الكوثر